Гуры Сакъребулойы (горæты советы) сæрдар, Размадзе Давит нымайы, цæмæй дихгæнæг хаххы цур хъæуты, æмбæстагон активистты æмæ журналистты иу хай ситуацийы тынгады провоцир кæнынц.

"Салиа Люда æввахс бацыд а.х арæны цурмæ æмæ Уæрæсейы æфсæдты раз тырыса фæйлыдта. Уæрæсе у бæстæ, кæцы хъазтæй æддæмæ у хызт. Ацы тырысайы фæйлауынæй гæнæн ис йæхæдæг аирвæза. Фæлæ никæмæн ис бар, æмæ иннæ адæймаджы цæрæнбон тасы бын æппара. Уæрæсе чердæм фехсдзæн хæцæнгарзы, уый ничи зоны", - хъусын кæны Размадзе Давит.

Уый нымайы, цæмæй дихгæнæг хаххмæ "ввахс хъæуты æмбæстагон активисттæ æмæ уæлдайдæр Сæйраг къаналы журналисттæ провоцир кæнынц:

"Æмбарынæй конституцион барад хæлы, фæлæ цыдæр формæ хъуамæ бакуыстгонд æрцæуа. Зæгъæм, сæйраг къаналы журналисттæ, сеппæт нæ, фæлæ дзы бирæтæ провоцирады куыст кæнынц. Ай нæу пайдаджын архайд, уыцы къуымæй, æмæ кæйдæр тасдзинады кæй æппарынц. Механизм æнæмæнгæй хъуамæ бакуыстгонд æрцæуа, журналисттæн, кæцыты æцæгæйдæр информаци хъæуы, уыдонæн цыдæр регуляциты райсын бахъæудзæн", - зæгъы Размадзе Давит.

Ныр иу аз уыдзæн, дихгæнæг хаххмæ "ввахс хъæутæм цыд арæнгонд у. Паддзахады æдасдзинады куыстуаты минæвæрттæ æмбæстагон активистты æмæ журналистты ацы хъæутæм нæ уадзынц. Тынгдæр, ацы процесс политикон субъектты минæвæртты хъыг дары. Æвзæрстагъоммæ кампанийы уагъды рæстæджы, Дицы æмæ Никозы хъæутæм оппозицион кандидатты нæ бауагътой. Фæлæ, ацы факт куы рахъæрис, уæд уый фæстæ, оппозицийы минæвæрттæ куыд хъусын кæнынц, ситуаци бæстонгонд æрцыд.