Елбакидзе Давит, кæцы сæрды улæфтыты, хъæуы йæ хæстæджытæм æрвиты, дзуры, зæгъгæ, хъæуы къахпортийæ (футболæй), баскетболæй кæнæ волейболæй хъазыны фадат нæй, уымæн æмæ уым спортивон фæзуат сын æрмæст хæдзары кæрт у.

«Мæ фыдыхойы хъæбул баскетболæй хъазæг (баскетболист) у æмæ уый аскъуыддзаг кодта ам уарты сæвæрын. Æрвыл изæр ардæм æрæмбырд вæййæм сабитæ æмæ иу ам хъазæм, æниу тыгъдад хæрз чысыл у. Уый тыххæй арæх доминойæ фæхъазæм, цæмæй нæхи ирхæфсæм», - æмбарын нын кæны Елбакидзе Давит.

Сакашеты цæрæг æвзонг фæсивæдæн, хъæуы центры æвæрд доминойы стъол иунæг-иу ирхæфсæн у, уый тыххæй æмæ сын спортивон активтæн хъæугæ спортивон фæзуат нæй. Амæ гæсгæ, йе мбалы хæдзары кæрт, цыран чысыл баскетболон уарт ауыгъд уыд, социалон хызæджы снысан кодта, хештегимæ «Сакашеты мини-баскетболон стадион».

«Ай у Сакашеты мини-баскетболон фæзуат. Нæ хæлар æрывæрдта пост æмæ йæ хæдзары кæрт афтæ снысан кодта. Сабитæн сæ фылдæр ардæм цæуы хъазынмæ. Ам фылдæр ирхæфсæм нæхи», - зæгъы нын, Сакашеты хъæуы цæрæг Бабунишвили Кесо.
Ацы хабар дæр афтæ райдайы. Иу изæр, доминойы хъазынæй сфæлмæцгæ æвзонг фæсивæд сæ къам систой æмæ йæ фейсбукыл æрæвæрдтой ахæм фыстимæ «Саразут нын стадион Сакашеты... иу домино нын ис сабитæн!»

«Æцæгдæр афтæ у, уымæн æмæ сабитæн нæу сæ бон хъазын стадионы, нæу кæронмæ хæрзарæзт. Æвзонг фæсивæд ныртæккæ иуылдæр технологиты исынц хайад. Уыдон æппæтæй тынгдæр æндæр адæймæгтимæ коммуникаци хъæуы. Амæн та æппæтæй хуыздæр фæрæз хæрзарæзт стадион у», - зæгъы æвзонг Бабунишвили Кесо.

Æрыгæтты фейсбук-постæн уыд бирæ комментаритæ. Уыдоны проблемæйæ интересы бацыд Шида Картлийы уæлыстъол теннисы Федераци æмæ аскъуыддзаг кодта балæвар сын кæна.

Сакашеты скъолæйы директор, Таруашвили Цицино зæгъы, зæгъгæ, лæвæрттæ, кæцытæ скъолæйæн лæвæрд æрцыд иттæг ахсджиаг у уыдонæн, уый тыххæй æмæ, скъолæ Варианы хæдзарадæн, Сакашеты лигъдæтты цæрæнуатæн æмæ Сакашеты хъæуæн лæггад кæны. Спортивон инвентарæй пайда кæнын та 180-йы онг сабийæн фадат уыдзæн.

«Хъæуы цæрджыты инициативæй айхъуыст, цæмæй хъæуы хъуамæ уыдаид мини-стадион. Амæ гæсгæйæ, сабиты постæн бирæ комментаритæ уыд æмæ Шида Картлийы Теннисы Федерацийы къухдариуæггæнæг, цытджын Гъамбашидзе Давит хæрзцыбыр рæстæгмæ, æдыппæт цыдæр 2 бонмæ, теннисы стъолтæ скъолæмæ бахаста. Ай фæдыл стыр бузныг зæгъын мæ фæнды уымæн. Куыд зонын, афтæмæй цæрджытæн ныфс бавæрдтой, цæмæй хъæуы хъуамæ арæзт æрцæуа мини-стадион. Ацы алыппæтæн организаци кæны, хъæуы хицау (гамгебели), кæцы комкоммæ хайад исы ацы процессы æмæ мæн ныфс ис, цæмæй алцыппæт дæр хæрзæввахс фидæны æххæстгонд æрцæудзæн», - зæгъы, Гуры муниципалитеты, Сакашеты хъæуы скъолæйы директор Таруашвили Цицино.