Фæллойы, æнæниздзинады æмæ социалон хъахъхъæнынады министр, Давит Сергеенко хихъахъхъæнынады министр Леван Изориамæ Гуры æфсæддон госпиталы электронон æнæниздзинад хъахъхъæнынадмæ ахизыны тыххæй хъæугæ лицензитæ алæвæрдта.

Мадзалы райдайæны министр Авганистаны хистæр сержанты фæмарды фæдыл мæсæллæй загъта æмæ йын минутон æнæсыбырттæй алæугæйæ рухс загътой. Уыдон ма Гуры æфсæддон госпиталы кæрты Гуырдзыстоны территорион æнæхъæндзинады тыххæй тохты фæмардуæвæг медикты мемориалон фæйнæгмæ бацыдысты æмæ йæм дидинджытæ бахастой.

5000 лицензи Гуырдзыстоны хихъахъхъæнынады министрады æфсæддон госпиталы медицинон документтæ фыссыны стандарттимæ электронон формæйы кусынæн гæнæндзинад ратдзæни. Медицинон уагдæтты иу хай, æндæр æмæ æндæр программæйы амалæй, историты электронон формæйæ кусдзæн, æнæгæсгæйæ уымæ, æмæ ацы рæстæгмæ нæ уæвыди иумæйаг стандарт, кæцы системæйы гæнæндзинæдты максималон æндæвдадæй сифтонг кодтаид.

Электронон æнæниздзинад хъахъхъæнынады системæ хосгæнæг дохтыр æмæ пациентæн медицинон историйыл, бавзаргæ низтыл, ауагъд диагностикон сгарæнты æмæ имунизацийы статусыл æххæстæй æнцонвадаты гæнæндзинад ратдзæни. Афтæ ма, ноджы, сифтонг кæндзæни пациентты информацийы индивидуалон рекомендацитæй æмæ ауадзинаг консултациты тыххæй. Системæйы æххуысæй, гæнæн уыдзæни хосгæнæны процессы æнæхъæугæ – дублиронгонд сгарæнты æмæ хæрдзты сæрæй аиуварс кæнын.

Электронон системæ клиникæты, æнæниздзинад хъахъхъæнынады министрады æмæ пациенты хсæн медицинон лæггады миниуæг æмæ финансон балансы тыххæй æххæст коммуникацийæ сифтонг кæндзæни. Уый æххуысæй, медицинон документацийы рационалон кондад æмæ æнæниздзинад хъахъхъæнынады проектты хæрдзтæн эфективонæй разамынд кæнын уыдзæн гæнæн.