Гуырдзыстоны президент Маргвелашвили Гиорги ног кампанийы «Хæдбардзинадæй сæрибармæ – республикæйы 100 азы» фæлгæтты Гуры æхсæнадон лекци бафарста. Лекцийыл уыдысты Гуры университеты студенттæ дæр, кæцытæ Уæрæсеимæ конфликты, ирæттимæ ахастдзинадыл æмæ визæйы либерализацийы сæхгæныны тасы фæдыл фарстытæ раттой.

«Алы пропагандистон машинæ бакусдзæн уый тыххæй, цæмæй сымах чысылгай æрцахуыр уат ауыл. Чысыл уæддæр зæгъат, цæмæй «ой цы сараздзынæ, афтæ у», - æмæ уый зæгъын нысан кæны уыцы территорийы фесафын, уый зæгъын нысан кæны, нæ райгуырæн бæстæйы фесафын. Макуы хъуамæ сахуыр уæм ууыл æмæ æдзухæй хъуамæ уæм тынг карзæй æрæмныхгонд уыимæ цыдæриддæр цæуы, æмæ цыдæриддæр сарæзтой. Раст ам Гуры мæ фæнды зæгъын, цæмæй махæн æмæ ирæттæн кæй ис иумæйаг фидæн, ирæттæ сты гуырдзиаг æхсæнады аразæг, тынг серезон нуар нæ иумæйагон æхсæнадон тыгъдады. Иттæг бирæ æмхæццæ бинонтæ, иттæг бирæ хъæбатыр ирон уæвыд æмæ уæвы, кæцы иууон Гуырдзыстоны тыххæй куыста. Уыдонæн Гуырдзыстоны фидæны ис тынг хæлар æмæ ахсджиаг ныхас зæгъинаг. Гуырдзыстон фидар уыдзæнис уæд, кæд æмæ сиу уыдзæнис хæсты фæндагæй нæ фæлæ баныхасгондæй.

Уырыссæгтæ сарæхстысты æмæ æрæмныхдзинады инспираци сарæзтой. Сæйраг ныццавд, Уæрæсейы политикæйы ныхмæ, æрцæудзæн уæд, гуырдзиæгтæ æмæ ирæттæ сæ иумæйаг ивгъуыды æмæ фæлтæрддзинады куы æрымысдзысты. Уыцы æнусты æрымысдзысты, мах иумæ куы цардыстæм. Уый уыдзæни комкоммæ ныццавд Уæрæсейы политикæйы ныхмæ. Кæд уын ис ирон æмзæххонимæ æмахастдзинад, кæд исты план кæнут, кæд исты ныхас кæнут, кæд уын ис иумæйаг хæстæджытæ – уый у Гуырдзыстоны хъомысад», - банысан кодта Гуырдзыстоны президент. Уый ныхасмæ гæсгæ, раст ацы хъомысады ныццавтой дыууæ боны размæ, не ‘мтохгæнæджы Ахалгоры куы амардтой уæд.

«Ауыл уыди акцент арæзт, уымæн æмæ уым уыди ныридæгæн райдайгæ хæлардзинад, цыдæр иумæйагон коммерцион интерестæ æмæ иу уæд уый райдайы цæвын алы хатт дæр уырыссаг. Уæ тых, уæ хæцæнгарз уыцы ахастдзинад у, кæцы уын ис ирæттимæ æмæ уыцы ахастдзинад хъуамæ арфдæргонд æрцæуа. Ацы ахастдзинады ныццавта Уæрæсе 90-æм азты дæр, ацы ахастдзинады цавта 2008 азы, ацы ахастдзинады комкоммæ цавд у сындзтелгæрæн, кæцы ам аразынц», - банысан кодта Гуырдзыстоны президент.

Гуырдзыстоны президент Гуры университеты хæдбардзинады 100 азы номарæны фæдыл равдыст бабæрæг кодта, кæцы кампанийы цыды рæстæджы Гуырдзыстоны алы регионы дæр равæрдзысты.