Гуырдзыстоны Коммунистон партийы уæнгты традицион цыд централон фæзуаты ‘рдæм нæ рауад. Бынатыл нал зыны «Æнæмæлгæ полчы» уæнгтæ, кæцытæ хъуамæ бацыдаиккой Стъалины хæдзар-музейы ‘рдæм.

Сæйраг фæзуатыл Джейран Китриашвилийы æвæрд бюсты цурмæ йæ бинонты уæнгтæ æрбацыдысты. Уый дзуры, цæмæй бюст уый инициативæмæ гæсгæ æвæрд кæй æрцыди.

Уæдмæ уал, Гуырдзыстоны коммунистон партийы Гуры организацийы уæнгтæ Стъалины хæдзар-музейы цур акци ауагътой. Сæйраг фæзуатыл та «Æнæмæлгæ полчы» минæвæрттæ æгæр раджы апырх сты.

Патрулы полицæйы кусджытæ Коммунистон партийы организацийы уæнгтæн Советон тырысатæй спайда кæныны бар раттой.
Æртыккаг акци Гуры меры инициативæйæ уагъд æрцыд, тохгæнæн кады музейы цур, цыран дыккаг дунеон хæсты хайадисджытимæ фембæлдысты æмæ сын фашизмыл фæуæлахизы бонæн раарфæ кодтой. Ветерантæн æхцайы лæвæрттæ ракодтой, æмæ сæ стæй, бæрæгбонон сихормæ фæхуыдтой.

Гуырдзыстоны Коммунистон партийы минæвæрттæ, 7-æм майы, Советон æмæ тоталитарон символикæтæй спайда кæнынæй сæхи бахизыны нысанæн, рагфæдзæхст райстой. Ай фæдыл политикон организацимæ паддзахадон æдасдзинады куыстуатæй хъусинаг æрбарвыстой.

Документыл йæ къух фыссы Паддзахадон æдасдзинады куыстуаты «Сæрибардзинады хартийы» Гуырдзыстоны закъонæй бæлвырдгонд къамисы сæрдар Гоцадзе Сулхан. Гоцадзе Сулхан Коммунистон партийы разамонæгæн фæдзæхсы, цæмæй ахæм символикæтæй спайда кæныны цауы, уагъд æрцæудзæн закъонмæ гæсгæ мадзæлттæ. Дзырд цæуы 9-æм майы фашизмыл фæуæлахизы снысан кæнынæн сплангонд мадзæлтты тыххæй.

Гоцадзе Сулхан амоны «Сæрибардзинады хартийы» Гуырдзыстоны закъоны æвдæм статийы 6-æм пунктмæ:
«Коммунистон тоталитарон æмæ фашистон идеологиты хæссæг символикæйы, цыртдзæвæнты, барелиефты, фыстыты, нæмтты скуынæг кæныны нысанæн къамис бахатыд барлæвæрдон гоймæгтæм. Къамисы бахатыды цауы барлæвæрдон гоймаг хæсджын у скуынæг кæна коммунистон тоталитарон кæнæ/та фашистон символикæ. Ацы пунктмæ гæсгæйæ барлæвæрдон гоймаджы ‘рдыгæй къамисы амындты не ‘сæххæст кæныны цауы расайдзæн закъонæй æркастгонд бæрндзинады», - банысангонд ис «Сæрибардзинады хартийы» Гуырдзыстоны закъоны æвдæм статийы 6-æм пункты.