Олимпиаг чемпион Хинчагашвили Ладо, Гуры, Схирели Нузарæн моумент сæвæрдта. Ай фæдыл информаци црестдеаг.ру парахат кæны. Агентады бæрæггæнæнмæ гæсгæ, Гуырдзыстоны сгуыхт тренеры скульптурæ «уæгъдибар хъæбысхæсты» скъолæйы бæстыхайы размæ, байгом.

Монументы байгомы церемонийыл уыдысты бынæттон хицауады минæвæрттæ æмæ уæгъдибар стилы хъæбысæйхæцджытæ. Æмбæрзæны Хинчагашвили Ладо æмæ Петриашвили Гено иумæ æристой.

Хинчагашвили Ладомæ монументы сцæттæкæныны идейæ фæзынд, Владикавказы уæвыны рæстæджы, Хæдарцты Махарбегы арæзт хъæбысæйхæсты академийы куы федта уæд. Хъæбысæй хæцыны академи Махарбегы ‘фсымæры, Асланбегы ном хæссы, цыран уый цырт дæр æвæрд ис.

Гуры сæйраг хъæбысæй хæцыны зал Схирели Нугзары номыл у. Ахъуыды кодтон, цæмæй хорз кæй уыдаид, цæмæй йæ монумент дæр уым æвæрд куы æрцыдаид. Фылдæрхатт монументтæ æвæрынц спортсментæн, фæлæ цæмæннæ ис гæнæн тренерæн дæр æвæрд æрцæуа? Мæ тренермæ æнæмæнгæй æмбæлы – Гуырдзыстоны уымæн стыр кад кæнынц, уый у Гуры уæгъдибар хъæбысæйхæсты бындур æвæрæг. Ныры онг, æрмæст дзюдойы спорт уыдис Гуры, уæгъдибар хъæбысæйхæсты та хорз дæр нæ зыдтой Гуры. Ныр та ацы хуызы спорты иуæй-иу лидæртæ стæм Гуырдзыстоны. Гуйрæгтæ æнæфæивæгæйæ сараздзысты национ æмбырдгæнæн командæйы бындуры, аккагæй равдисдзысты бæстæйы æппæтдунеон ерыстыл. Ам схъомыл сты ахæм зынгæ богалтæ (хъæбысæйхæцджытæ), цахæмтæ сты Модосиани Владимер, Погъосиани Давит, Тушишвили Отар, Петриашвили Гено æмæ æндæртæ. Æз дæр ацы æнтыстдзинæдтæ мæ тренеры фæрцы райстон. Схирели Нугзарæй бузныг сты æрмæст гуйрæгтæ нæ фæлæ, æндæр гуырдзиаг хъæбысæйхæцджытæ дæр, кæцытæ уый къухæй рацыдысты Гуырдзыстоны æвзонгадон æмбырдгæнæн командæтæм 20 азы дæргъы сæйраг тренерæй кусгæйæ. Мæ идейæ сæххæст кæнынæн мын баххуыс кодта тбилисаг скульптор Цъоцъориа Михеил. Фыццаг ын йæ куыстæн цырты байгом кæныныл хъæбысæйхæсты федерацийы, хицауады минæвæрттæ æмæ Схирели Нугзары æввахс хиуæттæ саргъ кодтой. Уыдонæн сæ зæрдæмæ фæцыдис цыртдзæвæн æмæ мæнæн дæр æхсызгон у æмæ сæрыстыр дæн, цæмæй ацы хъуыддаджы æз дæр хайад кæй райстон», - зæгъы Хинчагашвили Ладо журналистимæ ныхасы рæстæджы.

Схирели Нугзар – райгуырдис 1945 азы Тбилисы. Тренер. Гуырдзыстоны æвзонгадон æмбырдгæнæны хистæр тренер (1992, 1994-азæй) æмæ Гуырдзыстоны национ командæйы тренер (1983-азæй). ССРК-йы сгуыхт тренер. Кады ордены æмæ Кады медалы кавалер. Йæ хъомылгæнинæгтæ ма сты: Полосиани Давит, Модосиани Владимер, Зозирови Заза, Тушишвили Отар æмæ Гочашвили Бессарион.