Фидыды æмæ æмбæстагон æмбарады фарстæты Гуырдзыстоны паддзахадон министры инициативæй, дихгæнæг хаххмæ ввахс хъæуты газификацийы проблемæ æрбæстонгонд у. Цихелашвили Кетеваны ныхасмæ гæсгæ ма, уагъд æрцыд нуазыны доны æмæ ирригацион системæйы реабилитаци дæр.

«Абсолютонæй алы хъæуы (дихгæнæг хаххы акомкоммæ) газификаци æххæстгонд æрцыд æмæ ныр 14 000 абонентыл цæуы ныхас. Интенсивон режимы цæуы донхæрæг æмæ нуазыны доны проблемæйы æрбæстон кæнын дæр. Афтæ ма, алы зымæджы периоды, мах алы бинонтæн феххуыс кæнæм зымæг арвитынæн сугты ваучерæй æмæ æхцайы ваучерæй», - загъта Цихелашвили.

Конфликты зонæйы уæвæг æдæппæт 62 хъæуы нымад цæуы. Адонæй Шида Картлийы ахæм категорийæ ис 56 хъæуы. Ацы хъæуты аразгæ барертæм гæсгæйæ хъæууон-хæдзарадон нысаниуæджы зæххытæй пайда кæнын арæнгонд у.

Дихгæнæг хаххмæ ввахс хъæуты газификацийы процесс 2014 азы райдыдта æмæ ныр фæцис. Ацы рæстæгмæ æдæппæт 13913 абоненты ис газифициргонд. Уымæй дарддæр ма, 45 хъæуы дæр электроэнергийæ ифтонггонд æрцыд.