Гуры муниципалитеты Эргнеты хъæуы зæххыты къухæй кусынц.
Уалдзыгон куыстытæ дихгæнæг хаххмæ ‘ввахс хъæуты æнæ тракторæй
куыстгонд цæуынц.
Шида Картлийы информацион центры журналисттæ цæрджытимæ, растдæр,
зæххы фадгуыты куысты рæстæджы, ныхас кодтой.
Эргнеты цæрæг Къасрадзе Къакъо Шида Картлийы информацион центримæ
ныхасгæнгæйæ зæгъы, цæмæй хъæуы зæххытæ трактортæй куыст нæ
цæуынц.
Дихгæнæг хаххмæ ‘ввахс хъæуты дыргъдæтты дыргъбæлæстæ, зæгъæн и æмæ
нал дæр ис. Цæрджыты иу хай фæткъуы æмæ кæрдойы баззайгæ
бындзæфхæдтæ сыджытæй къахынц æмæ калынц.
Къасрадзе Къакъо (Эргнеты бындурон цæрæг): - «Трактортæ мидæмæ нæ
хизынц, уынут æй уæхæдæг дæр, цы уавæры стæм. 15 азы æнæкуыст зæххы
къахын. Нæ цæуынц уый тыххæй æмæ оккупацигонд территоримæ æввахс
стæм æмæ æвæццæгæн тæрсынц, хъæуы дæр нæй трактор».
Къасрадзе Вахтанг (Эргнеты бындурон цæрæг): - «Ацы бынæтты-иу
раздæр 3 тъонмæ ‘ввахс дыргъ æрзад, ныр афтид у æмæ зæххы та къухæй
кусæм. Уæдæ куыд кæнæм, ардæм техникæ нæ цæуы, уымæн æмæ, тæрсынц,
раджы нын уыдис нæхи сæрмагонд техникæ, фæлæ йæ стæй адавтой, чи
судзгæ бакодта, ныр тыхсæм. Алцыдæр нын бынтон ногæй аразын
хъæуы».
Къасрадзе Къакъо: - «Ам танктæ фæразил-базил кодтой, бæлæстæ
иууылдæр фæлдæхт уыдысты. Фæткъутæ æмæ кæрдоты бынсæфт фæкодта.
Уæртæ куыд калд сты. Нæ зонын ам цы хъуыддаг уыд танкы? Хæтæл
суагъта фæткъуытыл æмæ иууылдæр бынмæ æркалдысты».