Шида Картлийы регионы фæстаг 24 сахаты мидæг ковидинфицирады 51 ног цау фиксиргонд æрцыд. Сынæниз 10 адæймаг.

Ай фæдыл нæм информаци Шида Картлийы координацион штабæй æрбадæттой. Штабы минæвары бæрæггæнæнтæм гæсгæ, инфициргондты ‘хсæны иу хайæн сбæлвырдгонд цау у контакт, иннæ хайæн уагъд цæуы эпид-иртасæн. Инфициргондты алы контакт дæр уæвы хæдизоляцийы.

«Ныртæккæ нæм регионы ис ковидинфицирады 948 активон цау. Адонæй хæдзары хос кæны 483 инфициргонд гоймаг, хъæугæдзинады уæвæг æмæ рискы къордмæ хауæг пациенттæ хос кæнынц ковид-клиникæты. Иу бон æмæ ‘хсæвы дæргъы хæдизоляцийæ ссæрибар 178 гоймаг, фæлæ-ма ныртæккæ хæдизоляцийы зайы 1417 адæймаг», – нысангонд ис хъусинаджы.

2-æм ноябры рабæрæг коронавирусы 1852 цауæй, Тбилисы сбæлвырд 563 цауы, Ачъарайы – 389, Имереты – 441, Квемо Картлийы – 68, Шида Картлийы – 51, Гуриайы – 28, Самегрело æмæ Земо Сванеты – 114, Къахеты – 20, Мцхета-Мтианеты – 51, Самцхе-Джауахеты – 27, Рачъа-Лечхумы æмæ Квемо Сванеты – 13, – ай фæдыл координацион советы уæвæг оперативон штабы хистæры хæдивæг, Сичъинава Бердия хицауады администрацийы ауагъд брифингыл фехъусын кодта.

Сичъинава Бердиа куыд банысан кодта, уымæй, ацы этапыл активон инфицирады цау ис 15 411.

«4 293 адæймаг хос кæны рынчындоны, се ‘хсæн уæззау пациент ис 519, аразгæ улæфæн аппаратмæ баиугонд ис 230 адæймаг, 2 236 гоймаг ис ковид-уазæгдоны, 8 882 адæймаг хос кæны хæдзары.

Абоны уавæрмæ гæсгæ, хæдизоляцийы уæвы 29 876 адæймаг. Фæстаг 24 сахаты мидæг сынæниз 1 696 гоймаг, фæлæ æмткæй райсгæйæ та, сынæнизуæвджыты нымæц 26 800-йы онг сырæзтис», - банысан кодта Сичъинава Бердиа.

Фæстаг 24 сахаты мидæг, коронавирусы фæстиуæгæн, бæстæйы авд пациенты фæзиан ис. Зиæнтты нымæц æмткæй 342 у.