2020 азы 16-æм ноябры Гуырдзыстоны адæмон хъахъхъæнæг традиционæй фæнысан кодта Толерантондзинады æхсæнадæмон боны.

Ацы боны фæдыл адæмон хъахъхъæнæгимæ уæвæг национ чысылдæр хæйтты æмæ религиты советтæ æрвылаз дæр æвзарынц Толерантондзинады сæрхъуызойты: гоймаджы, организацийы, дзыллон-информацийы æмæ хициуадон гæсады – кæцытæ цæугæ азы дæргъы æххуыс кодтой этникон æмæ религион чысылдæр хæйтты барты хъахъхъæнын æмæ Толерантондзинады культурæйы æрфидар кæнынæн.

Традиционæй советтæ ацы аз дæр схорзæхджын кодтой 2020 азы "Толерантондзинады сæрхъуызойты".

Номинацийы организаци национ чысылдæр хæйтты совет рабæрæг кодта дыууæ уæлахиздзау: уыдонæй иу, Иване Джавахишвилийы номыл Тбилисы паддзахадон университеты гуырдзиаг-ирон æмахастыты зонадон-иртасæг центр у.

Центр йæ сарæзты бонæй уадзы гуырдзиаг-ирон культурон-ахуырадон-зонадон æмæ ахуыргæнæн конференцитæ; центр йæ куыстæй бæрæг хайбавæрд хæссы гуырдзиаг-ирон æмахастыты сæндидзынæн. Къухарæзты æмæ сабырадон æмахастыты хъуыддаджы, уымæн ацы цæстæнгасæй аналог нæй.

Толерантондзинады æмæ нацитыхсæны æмахастытæм бахæсгæ хайбавæрды тыххæй "Толерантондзинады сæрхъуызой"-ы титул-ма, афтæ лæвæрд æрцыд адæмон хъахъхъæнæгимæ уæвæг национ чысылдæр хæйтты советы аккаг уæнгтæн: Беппиты Наирайæн æмæ Филина Мариайæн.

Беппиты Наира – филологийы доктор, профессор, Иване Джавахишвилийы номыл Тбилисы паддзахадон университеты гуырдзиаг-ирон æмахастыты зонадон-иртасæг центры разамонæг. Æхсæнадон телеуынынады националон "Моамбе"-йы редактор. Паддзахадон æвзаджы департаменты консультацион советы уæнг.

Беппиты Наира у бирæ гуырдзиаг-ирон ахуыргæнæн чингуыты автор. Уый дзæвгар азты дæргъы æххуыс кæны гуырдзиæгты æмæ ирæтты "хсæн культурон-ахуырадон æмæ сабырадон æмахастыты сног кæнын.
Филина Мариа – Иване Джавахишвилийы номыл Тбилисы паддзахадон университеты профессор.

Филина Мариа бирæ азты дæргъы ахуыр кæны гуырдзиаг-польшæйаг æмæ гуырдзиаг-уырыссаг литературон контактты æмæ польшæйæгты бындарады Гуырдзыстоны æмæ æппæт Кавказы мидæг. 1995 азы Филина Мариа сарæзта Гуырдзыстоны польшæйæгты культурон-ахуырадон цæдис "Полони", кæцыйы сæрдар у уый.

Ноджы æххæстдæрæй кæсут: