Имерлианткъарийы хъæу Църомы административон иуæгмæ хауы. Църомы хъæу та Хашуры муниципалитеты иутæй-иу æстырдæр хъæу у.

Ацы хъæумæ куы æссауай даргъ фæндагыл цæуын дæ нæ бахъæудзæн. Църоммæ тынг æввахс у, фæлæ кæмдæр 1-2 км-ы ситуаци хæрзæгæй ивы.

Иу фæкастæй «нырырæстæгон хæдзæрттæй» дзаг хъæуæй тынг мæгуыр цæрæнбынатмæ æссаудзыстут.



Ам æрмæст 3-4 хæдзар цæры æмæ алчидæр мæгуыр уавæры сты.

Куыд нын иу цæрæг Майя Барбакадзе дзуры, Имерлианткъари алцæмæй мæгуырдæр адæмы цæрæнбынат у.

Майяйæн зын у цæуын. Хæдзары пенсионер адæймæгтæм кæсы, фæлæ æнæуый уый йæ сыхаг, 83 аздзыд Циала Махатадземæ дæр хъус дары.



«Мæнæн мæхи цы у, уый куы радтиккой, паддзахад æмæ бæстæйæн цы лæгкад скодтон, æндæр мæ ницы æххуыс хъæуы уыдонæй. Æз æнæивгæ депутат уыддæн районы æмæ сахары советы 20 азы дæргъы; уыддæн райкомы уæнг; уыддæн тæрхонгæнæг; уыддæн 5-азоны æвзонг гвардион; уыддæн Ленины орденджын; уыддæн социалистон ерысты хайадисæг. Ивгъуыды хорз уыддæн, фæлæ еныр ничи дæн» - дзуры Циала Махатадзе.

«Ам иуылдæр 3-4 хæдзар æстæм; мæгуыртæ æмæ донласт адæм чи стæм – иуылдæр ам æстæм. Уыдон сæ мидбылты куы худынц æмæ Антали æмæ Чикаготæм куы цæуынц, мах кæм æснысан кæнæм Ног аз? Цы сараза нæ сæргълæууæг? Гур æмæ йын Тбилис куы ницы радтой, уæд цы сараза мæ сæргълæууæг?» - Майя Барбакадзе.