13 октябры, 10 сахатыл, Иванэ Джавахишвилийы номыл Тбилисы Паддзахадон университеты уагъд æрцæудзæни дыккаг æхсæнадæмон зонадон конференци «гуырдзиаг-ирон æмахастыты рæзынады перспективæтæ: Нарты эпосы иртасыны принциптæ æмæ методологи».

Ай фæдыл информаци университеты администраци парахат кæны. Мадзалмæ æрбацæудзысты Тбилисы Паддзахадон университеты ректор Шарвашидзе Георги, Гуырдзыстоны рухсады æмæ зонады министр Джеджелава Александр, гуырдзиаг æмæ фæсарæйнаг зонадон кусджытæ, студенттæ, æвзонг иртасджытæ, хицауадон æмæ æнæхицауадон организациты минæвæрттæ, æхсæнадæмон организациты минæвæрттæ, конфликтологтæ, эксперттæ, гуманитарон, социалон-политикон къабазты иртасджытæ.

Конференцийы нысан у фæрогдæр кæна гуырдзиаг-ирон æмахастыты ног этапмæ ахизынæн, нырыккон интердисциплинон иртæстытæн.

Мадзалыл æвзæрст æрцæудзæн: фольклор, литературæ, æвзагзонынад, истори, религи, археологи, этнологи, культурологи, æрмдæсныйад зонынад, экономикæ, конфликтологи, гендеры иртæстытæ, адæймаджы бартæ, гуырдзиаг-ирон æмахастыты истори æмæ нырыккон проблемæтæ, миграци.

Конференцийыл бакусдзæн æхсæз секци. Се хсæн студентон секци æмæ тымбыл фынг æвзонг зонадон кусджытæн.

Конференцийы организатор у Иванэ Джавахишвилийы номыл Тбилисы Паддзахадон университеты гуырдзиаг-ирон æмахастыты зонад-иртасæг центр.