Ирон фыссæг, кæцы Илья Чъавчъавадзе æмæ Акъакъи Церетелийы уацмысты ратæлмац кодта, абон йæ цардæй ахицæн.

Гуырдзыстоны зонæдты академийы уæнг, Джусойты Нафийы фæзианы фæдыл, хъынцъым кёнынц Иванэ Джавахишвили номыл Тбилисы паддзахадон университеты гуырдзиаг-ирон æмахастыты центры æмкусджытæ.

Адæмон фыссæг, поэт, драматург, публицист, фольклорист, лингвист, литературæйы историк, тæлмацгæнæг, критик, Хетæгкаты Къостайы премийы лаурет 92-азы кары йæ цардæй ахицæн.

Джусойты Нафи райгуырди 1925 азы, 27-æм февралы Дзауы районы, Хæрдысæры хъæуы.

Куыддæр астæуккаг скъола каст фæци, афтæ хæст райдыдта æмæ Нафи барвæндонæй фронтмæ ацыди.

1945 азы фæззæджы Цæгат Ирыстоны Хетæгкаты Къостайы номыл паддзахадон педагогон институты студент сси.

Нырма кандидатон диссертаци бахъахъхъæдта, стæй 1968 азы та – докторон диссертаци. Уый 400-онг зонадон куысты æмæ 12 монографийы автор у.

Джусойты Нафи – бирæ поэтон æмбырдгонды автор у. Бирæ æвзæгтыл ратæлмац кодта Нафи уацмыстæ, се хæн гуырдзиаг æвзагыл дæр.

Хæрзæрæджы Гуырдзыстоны культурæйы æмæ цыртдзæвæнты хъахъхъæды министрады æххуысæй мыхуыры рацыди йе мдзæвгæты дыууæвзагон æмбырдгонд (чиныджы сæйраг редактор у Тбилисы паддзахадон университеты профессор Попиашвили Нино, аразæг Беппиты Наирæ).

Тынг бирæ тæлмæцтимæ иумæ иттæг хорзæй ратæлмац кодта гуырдзиаг классикты: Гурамишвили Д., Чъавчъавадзе И., Церетели А., Табидзе Г. æмæ æндæр æнæмæлгæ уацмысты.