«Картлийы палитра» - афтæ схуыдтой цыппурсон равдысты, кæцы Гуры
нывгæнæн скъолæйы, 25-æм декабры, байгом ис. Перадзе Анайы номыл
скъолæйы регионы цæрæг нывгæнджыты конд нывтæ равдыстыл
равæрдтой.
Уыдон ‘хсæны, реализмы категорийы сыгъзæрин медалы хорзæхы хицау,
Пилаури Гелайы конд нывтæ дæр уыдис. Уый Гуры муниципалитеты
Квахврелы хъæуæй у. Пилаури Гелайы ныхасмæ гæсгæ, равдыстыл æвдыст
нывтæ бæстæйы зын периоды рæстæджы арæзт куыстытæ сты.
«Нæ бæстæ тынг стыр зын период бавзæрста, ацы фæстаг 20-25 азы фаг
стресон уавæры арвыстам. Ацы нывтæ сæйрагæйдæр раст уыцы периоды
конд сты. Мæ хъуыдымæ гæсгæ, ай æппæтдæр аивад хъуамæ фервæзын
кæна», - зæгъы Пилаури Гела.
Пилаури Гела йæ бинойнагимæ, Анжелина Даменимæ иумæ, æрвылаз дæр
равдыст саразы. 10-æм январæй уыдон хайад райсдзысты æппæтдунеон
равдыст-конкурсыл, ахæм номимæ «Аивады къуыри Израилы». Равдыст
20-æм январы онг адаргъ уыдзæнис æмæ Телавивы культурæйы центры
арæзт æрцæудзæнис.
Нывгæнджытæн 2018 аз фаг пайдаджын куыст разынд. Уыдон сæ куыстытæ
Медиа Арт Биеналейыл равдыстой, 2018 азы 5-6-æм мартъийы та «Арт
проект Нью-Йорк»-ы хайадисджытæ уыдысты. 9-æм июлæй 13-æм июлмæ та
сын Римы Санта Крочейы галуан фысымиуæг кодта. 25-æм июлы АИШ-ы
Аризоны Штаты равдыст-конкурсы «Цъæх абстракци» райстой хайад.