Хашуры муниципалитеты Чорчанайы хъæумæ абон хицауады минæвæрттæ æрбацыдысты. Стыр митæруадмæ гæсгæ бынæттон цæрджытæн районы центримæ нæй бастдзинад. Хицауады минæвæртты визиты рæстæджы хъæуы бацæуæн фæндагыл трактор куыста.

Шида Картлийы губернатор Ходжеванишвили Гиорги бынæттон цæрджытæн баныфсæвæрдта, цæмæй 2019 азы ног фæндаг Цъагъвлийы онг кæй æрцæудзæн асфалтгонд: «æмæ уый нысаниуæгджынæй фæкъаддæр кæндзæн æвæндагдзинады. Цы хай ма дзы баззайа уым та хуыр ныккалдзыстæм, зæгъгæ. Нуазыны доны системæйæн дæр реабилитаци уагъд æрцæудзæн», - загъта сын Ходжеванишвили Гиорги Чорчанамæ визиты рæстæджы.

Уыимæ иумæ уыдис Фидыды æмæ æмбарады фарстæты паддзахадон министры хæдивæг Абашидзе Руслан дæр. Уый йæ хъусдард аздæхта оккупацион хаххы цур уæвæг уавæрмæ æмæ банысан кодта, цæмæй цæрджытæн сæрибарæй дыууæрдæм цæуыны фадат арæнгонд кæй цæуы.

«Оккупацион режим дарддæр кæны уыцы политикæйы, кæцы цæрджыты сæрибар цыды арæнгонд кæны. Мах ацы фарсты æдзухæй æвæрæм Эргнеты фембæлдты рæстæджы, - фæнысан кодта Абашидзе Руслан.

Шида Картлийы информацион центр репортаж Чорчанайы тыххæй 3 азы размæ бацæттæ кодта. Нырма нын ноджы уæд загътой, цæмæй æвзæрбоныхъæды рæстæджы бацæуæн фæндаг æхгæд кæй æрцæуы. Зæгъæм, нива, кæцы 4 км дæрддзæгыл хъуамæ ацыдаид тагъд æххуысы медицинон бригадæйы машинæмæ, митхæццæ цъыфы ныххаудта. Цъыфæй машинæйы уæрдоны æххуысæй сластой, тагъдæххуысы дохтыртæ та иннæ хъæуы æнхъæлмæ кастысты.

«Дохтыртæ афтæ æнхъæл уыдысты æмæ сылгоймагæн фæндагыл райгуырд сывæллон. Хабары базоныны тыххæй телефонæй дæр сæ бон нæ уыд фæдзурын, бастдзинад нæ уыдис», - ацы хабары тыххæй афтæ зæгъынц чорчайнæгтæ.

Бынæттон цæрджытæ дзурынц, цæмæй фæндæгты сæхгæныны рæстæджы, ацæргæ рынчын адæймæгтæн сæ бон ницы вæййы баххуыс кæнын. Хъæуы æдæппæтæй ис 16 хæдзары.

Раст уый бæрц бинонтæ ныууагътой дихгæнæг хаххмæ ‘ввахс сæ цæрæнуат. Æвзæрбоныхъæды рæстæджы чорчайнæгты Цъагъвлийы хъæуы онг 4 км хъæуы фистæгæй ацæуын.