Ветеранты цытæн хæстон кады музейы цур мадзал уагъд æрцыд, цыран æвзонг фæсивæд гуырдзиаг кафт сæххæст кодтой.

Гуры муниципалитеты æдæппæт 9 ветераны ис, фæлæ уыдонæй мадзалмæ æрбацæуын æрмæст æхсæзæн баци сæ бон.

«Кавказы фронтыл уыдтæн. Кавказы ихджын хæхты. Уый фæстæ Кубаны, æгас Украинæйыл тохгæнгæйæ æрзылдтæн», - зæгъы ветеран Алибегты Илья.

Фашизмы ныхмæ тохы йæ хъæбатырдзинады мысы Табатадзе Иродион дæр.

«Æфсæддон æхсæвы тæхæг уыдтæн. Бомбæтæ згъæлстон Германы фашистон æфсæддон хæйттыл æмæ иугæндтыл. Цыдæриддæр мын иу бахæс кодта къухдариуæгад уый цæсгомджынæй æмæ æнæкъуыхцыйæ æххæст кодтон, Стъалин иу куы дзырдта, фæстагмæ, дам, уæлахиз уæддæр мах уыдзæн, зæгъгæ, уæд иуæй-иуты уый нæ уырныдта», - зæгъы хæсты ветеран.

Хæсты ветерантæн ацы боны фæдыл бынæттон хицауады минæвæрттæ зæрдиагæй арфæ ракодтой æмæ сын бирæ азты æнæниздзинад сæ зæрдæ загъта.

«Мах традиционæй æрвылхатт дæр банысан кæнæм ацы боны ветерантимæ иумæ. Абон æрмæст æхсæз ветераны æрбацыд ардæм, æдæппæтæй ма фараст ветераны баззад нæ муниципалитеты. Мах алцыппæтæй дæр æххуыс кæнæм нæ ветерантæн, сæ къух сын рог кæнæм, цæмæй цæрдæг æмæ æнæниз уой. Мах уыдонæн æрвылаз дæр иухаттон æххуыс 300 ларийы раттæм. Афтæ ма, сын ноджы, 9 майы тыххæй раттæм 300 ларийы», - загъта Гуры мэр Тавзарашвили Константине.

Ацы боны ма бынæттон хицауады минæвæрттæ хæсты фæмардуæвджыты мемориалы цурмæ дидинджытæ дæр бахастой.