Туристты ‘хсæн Гуры Уæрæсейы æмбæстонтæ дзæвгар фылдæрæй сты. Ай фæдыл официалон статистика ис Гуры туризмы центры.

Туризмы хайады хистæры, Магълакелидзе Роберты ныхасмæ гæсгæ, визиторты 55% уырыссагæвзагон туристтæ сты.

Шида Картлийы информацион центр бацымыдис кодта уымæ, зæгъгæ, цы сæ зæрдæмæ цæуы уырыссаг туристтæн Гуырдзыстоны, уæлдайдæр та, уыцы горæтты, кæцыты 2008 азы августы хæсты заманы Уæрæсейы авиаци бомбæтæ куы æркалдта.