20-21 æмæ 22-æм июлы Гуры горæты «Дунеон проект регион Фешен вики»
уагъд æрцæудзæн. Ай тыххæй Шида Картлийы информацион центрæн
проекты организатор, Кавкавашвили Йосеб фехъусын кодта.
Кавкавашвили Йосебы ныхасмæ гæсгæ, фестиваль фыццаг Гуры уагъд
æрцæудзæн æмæ фæстæдæр та, æндæр регионты дæр уагъд æрцæудзæн.
«Проекты фæлгæтты 15 гуырдзиаг æмæ 5 фæсарæйнаг дизайнер Гуры
муниципалитеты равдыст сараздзæн».
«Регион Фешен вики», фестиваль æндæр бæстæты æнгæс, Гуырдзыстоны
дæр актуалон темæйы тыххæй уагъд цæуы æмæ оккупацийы æмæ
Гуырдзыстоны иууондзинады фарстæйы тыххæй ныхас кæндзæнис. Æрхуынд
дизайнертæ, проекты организатортимæ иумæ, Уæрæсейы ‘рдыгæй
Гуырдзыстоны окупацийы спротест кæндзысты. Адонæй та, алчидæр
хисæрмагонд коллекциты æмæ перформансты æвдисынц. Дизайнерты
æвдыстытæ æмæ перформансты къуырийы фæлгæтты а. х. арæнгæрон хъæуты
дæр уагъд æрцæудзæнис», - хъусын кæны Кавкавашвили Сосо.
Уый информацимæ гæсгæ ма, фыццаг боны Гуры центры арæзт æрцæудзæн
15 метрон подиум (модæты æвдисæн сценæ), цыран 5 дизайнеры
равдисдзысты сæхи сæрмагонд коллекцийы. Ацы дизайнерты ‘хсæн ис 3
(æртæ) гуйраг: Каркусашвили Нино, Папиташвили Мариам æмæ Туаты
Софи.
Ацы мадзалыл ма азардзысты: Сохадзе Ирма, Шалвашвили Гиорги æмæ
Сухиташвили Гиорги. Кавкавашвили Сосойы ныхасмæ гæсгæ, ма ноджы,
æндæр зарæггæнджытимæ дæр ныхас цæуы.
Дыккаг боны равдыст уагъд æрцæудзæн Хурвалеты хъæуы, оккупацион
хаххы цур. Равдысты уыдзæн националон дзаума æмæ Тедиашвили Паатайы
перформанс.
Æртыккаг боны та, Гуры фидары (мæсыг) арæзт æрцæудзæн равдыст.
«Уый фæстæ та, театрмæ сæ бынат аивдзысты, цыран сабиты равдыст
уагъд æрцæудзæн. Чысыл сабитыл конд уыдзæн Евроцæдисы æмæ
Гуырдзыстоны тырысайы хуызтæй дзаумæттæ. Мадзалыл хайад райсдзысты
фæсарæйнаг дизайнертæ дæр: Польшæйæ, Украинæйæ, Италийæ, Арменийæ
æмæ Азербайджанæй. Мадзалыл уыдзæнис æдæппæтæй 250 хуынд уазæг», -
хъусын кæны Кавкавашвили Сосо, кæцы ма нын дзуры, зæгъгæ, ахæм
æнгæс хуызы фестиваль дунейы мидæг 30 бæстæйы ныридæгæн уагъд цæуы
æмæ Гуырдзыстоны «Регион Фешен викийы» ауадзыны эксклюзивон бар
æрмæст уыдонæн ис.
Фестивалы фарсхæцæг у Гуры муниципалитеты мэриа.