«Ирон дохтыртæ» - курдиат Одзисы акцийæ
«Сæрибардзинад Важа дохтырæн», - оккупацион хаххмæ ‘ввахс Одзисы хъæуы ауагъд акцийыл дохтыр Гаприндашвили Важайы бинонты уæнгтæ ирон дохтыртæм æрвитынц сидæн:

«Ирон дохтыртæ! Иумæ аудæн кæнæм нæ рынчынтыл æмæ раттут ацы фадат Важа-дохтырæн. Мах фæнды, ауадзат ацы урс халат уæлдæфы, цæмæй ахиза сындзтелгæрæны сæрты æмæ алкæмæн дæр фенын кæнæм, цæмæй дохтыртæн арæнвæрдтæ кæй нæй. Нæдæр сабырдзинады рæстæджы æмæ нæдæр хæсты рæстæджы. Махæн нæ иунæг домынад у - сæрибардзинад Важа-дохтырæн. Рауадзут дохтыры йæ хæдзармæ», - æрвитынц дэ-факто Хуссар Ирыстоны республикæйы цæрæг дохтыртæм.

Оккупацион хаххмæ ‘ввахс хъæу Одзисы акци уагъд æрцыд.

Процесс Тбилисæй байдыдта.
Æмбæстæгтæ райсомæй 11 сахатыл Республикæйы фæзуатмæ æрæмбырд сты æмæ уырдыгæй оккупацион хаххы ‘рдæм рараст сты.

«Алы адæймаг дæр, политикон цæстæнгасы, религион уырнынады æмæ этникон равзæрды æнæвзаргæйæ, кæмæндæриддæр йæ зæрдæ риссы патриот адæймады æнæзакъонон æрцахсты тыххæй, курæм фенын кæнат уæ солидарондзинад æмæ фарсхæцынад. Иумæ бацæуæм оккупацион хаххы цурмæ æмæ сабырæй фехъусын кæнæм нæ протест», - ахæм уыд сидæны текст.

Зæгъдзыстæм уын, æмæ 13-æм декабры, Цхинвалы а.х. тæрхондоны тæрхонмæ гæсгæ дохтыр Гаприндашвили Важайы ахæстоны ныууагътой. «Эхо Кавказа»-йы журналисты бæрæггæнæнмæ гæсгæ, кæцы Цхинвалы уæвы, ацы тæрхон æхгæд рабадтыл ист æрцыд. Тæрхондоны рабадтæн къухдариуæг кодта Пæрæстаты Фатима.



Print