2019 азы 18-æм январы, Гуры, Æвзонгадон форум уагъд æрцыд. Фембæлд сабиты æмæ æвзонгады центры уагъд æрцыд. Форумыл 5 проекты бавдыстой, кæцыты Шида Картлийы регионы масштабæй равзаргæ 16 скъолæ æмæ йæ ахуыргæнинæгтæ æххæст кæнынц.

Къаспы муниципалитеты скъолæты минæвæрттæ, «культурон-этникон традициты» сахуыр кæнын æмæ сæ популаризаци кæнын æрæвæрдтой нысанæн. Къаспы, Нигозайы æмæ Дуисы скъолæты ахуырдзаутæй комплектгонд къорд, гуырдзиаг-ирон бинонтæй, культурон-этникон традициты раразмæ кæндзæнис.

Карелы муниципалитеты скъолæтæн, сæ ахуырдзаутæ, æвзонгадон политикæйы документы саразын аскъуыддзаг кодтой. Конкретон фарстытæ фæнысан кодтой, кæцытæ муниципалитеты цæрæг æвзонг фæсивæдæн проблемæ æвдисынц. Зæгъæм, нæй æвзонг фæсивæдæн аккаг тыгъдад. Ацы фарстæйы тыххæй фембæлдыл уæвæг, Карелы муниципалитеты минæвар Бакрадзе Васико дзуапп дæтты. Уый цæстæнгасмæ гæсгæйæ, бирæ фарстæйы тыххæй, кæцыйы ахуырдзаутæ æвзонгадон политикæйы документы кусæн версийы бавдыстой, муниципалитеты гамгеоба ныридæгæн æххæст кæны.

Хашуры скъолæйы ахуырдзаутæ сæ разы хæс æрæвæрдтой, цæмæй æхсæнадон контролы ауадзой. Уыдон сæ хъус æрдардзысты уыцы регуляцитæм, цыдæриддæр тамакойы æмæ алкоголы реализаци кæныны фæдыл, паддзахад бакуыста æмæ йæ сæххæст кæнын хæс йæхимæ райста.

Гуры скъолæты ахуырдзаутæ та, акцент сарæзтой цъæх горæты рæзынадыл.

Равзаргæ проекттæн сæрмагонд фарсхæцджытæ разынд, зæгъæм, Карелы къордæн æххуыс кæндзæн Тлашадзе Шалва, Къаспы къордæн - Нипаришвили Нино, æмæ Гуры къордæн та, - Чъипашвили Заза æххуыс кæндзæнис.

Æвзонгадон форум организацигонд цæуы проекты «Æвзонг фæсивæд ивынæдтæн» фæлгæтты, кæцыйы æххæст кæны æхсæнад «Биликъи (къахвæндаг)», «Æргом æхсæнады фонды» æххуысæй. Проекты нысан у Шида Картлийы цæрæг гуырдзиаг, ирон æмæ гуырдзиаг-ирон бинонты хъæбултæн æмæ æвзонг фæсивæдæн æмбæстагон æмбарынады суæлдæр кæнын æмæ мотивацийы сырæзын кæнын, цæмæй суой ивынæдты инициатортæ.