Дихгæнæг хаххмæ ‘ввахс Бершуеты хъæуы астæуккаг скъолæйы спортивон залæн ребилитацион куыстытæ уагъд æрцæудзæнис. Ай тыххæй Qartli.ge-йæн скъолæйы директоры хæстæ æххæстгæнæг Церцвадзе Кетеван фехъусын кодта.

Уый ныхасмæ гæсгæ, скъолæйы спортивон залы аразынæн хъæугæ суммæ аукционыл æртымбыл ис, цыран спортсменты дзаумæтты ауæй кодтой. Аукцион 2018 азы 18-æм декабры социалон компанийы «Тыхджынтæ нæ кæнынц тыхист» фæлгæтты уагъд æрцыд.

«Аукцион 18-æм декабры уагъд æрцыд, цыран гуырдзиаг æмæ дунеон спорты стъалыты аксесуартæ ауæй сты. Уыдон æхсæн Пачулиа Зазайы майкæ (спортивон хæдон) 3100 ларийæ ауæй ис. Сумоист Леван Горгадзейы (Точиношин) – Кимоно æмæ Оби (япойнаг национ дзаума ронимæ иумæ) – 3000 ларийæ ауæй ис», - хъусын кæны Церцвадзе Кетеван, скъолæйы директоры хæстæ æххæстгæнæг.



Реабилитаци æрмæст спортзалæн уагъд æрцæудзæнис, кæцыйы бамбæрзыны куыстытæ арæзтадон компани BMG сæххæст кæндзæн. Уæлхæдзар бамбæрзыны куыстыты фæуды фæстæ та, компани PRMC райдайдзæн цалцæггæнæн куыстытæ.

Спортивон зал рухсгæнæн нырыккон системæйæ æмæ æппæт хъæугæ спортивон инвентарæй ифтонггонд æрцæудзæнис. Афтæ-ма, монтажгонд æрцæудзæн хъармгæнæны системæ дæр, кæцы хъарм кæндзæн æрмæст дæр спортзалы.



Абоны онг Бершуеты астæуккаг скъолæйы хъарм кæныны иунæг-иу фæрæз уыд сугæй пец.

Церцвадзе Кетеваны ныхасмæ гæсгæ, реабилитацион куыстытæ, уымæн куыд загътой, афтæмæй хъуамæ, 15-æм январы райдыдтаиккой æмæ хъуамæ фæуыдаиккой январы кæронмæ. Фæлæ хъызт боныхъæдмæ гæсгæ куыстытæ аргъæвтой.