Шешаберидзе Гиорги мамалоты (уасджыты) цæттæ кæнын Youtube-йæ сахуыр кодта. Боны мидæг 700-йы онг мамало (уасæг) аразы æмæ сæ æрвылбон Гуры æндæр æмæ æндæр магазинтæм ратты уæй кæнынмæ. Къуырийы мидæг цалдæр хатты та Бакурианы æмæ Боржомы магазинтæм ратты йæ арæзт продукты.

11 аздзыд Гиорги ацы бизнесы уый фæстæ райдыдта, йæ ныййарджытæ æнæ куыстæй куы баззадысты, сæ хæдзар фесæфтой æмæ бинонтæн æндæр гæнæн нал уыдис, фатер баххуырстой æмæ уырдæм ахызтысты цæрынмæ.

Репортаж Гиоргийы тыххæй æхсæнадон телеуынынады алæвæрд «Ахали къвира (ног къуыри)» æрцæттæ кодта.

«21-æм æнусы, интернет куы ис, нæй гæнæн æмæ ма сахуыр кæнай исты. Мæ арæзт мамалоты (уасджытæ) æппæтæй фылдæр Боржомы æмæ Бакурианы æлхæнынц. Иу хатт Хурвалеты магазинмæ бацæугæйæ федтон сындзтелгæрæнты, уым æввахс уыдысты æфсæддонтæ дæр æмæ мæсыггæндтæ дæр. Уымæй фæстæмæ мæм фæзынд ахæм идейæ, цæмæй мамалоты (уасджыты) стыхтаин ахæм фыстимæ STOP RUSSIA, тагъд рæстæджы уырыссаг æфсæддонтæм бацæудзынæн æмæ сын зæгъдзынæн, цæмæй ай нæ территори у æмæ уыдон ам кæй лæууынц уый раст нæу æмæ сын мæ арæзт мамалотæ (уасджытæ) æфсæддонтæн сæ хъæбултæн арвитдзынæн», - зæгъы Гиорги.

Гиорги кусын райдайы, уый фæстæ, куыддæр скъолæйæ æрбацæуы æмæ йæ уроктæ сахуыр кæны. Ныртæккæ уый æлыгæй æмæ гипсæй сувениртæ аразын дæр сахуыр кодта. Зæгъы, цæмæй бизнесы рауæрæх кæнын кæй план кæны. Уый хъавы сфыца сабиты кæрдзын, кæцы уыдзæн мультфилмы хъайтарты формæтимæ.