Абон Йосеб Стъалины амæлæты боныл 66 азы сæххæстис.

Коммунисттæ æмæ Стъалины иннæ фарсхæцджытæ ацы боны советон раздзоджы райгуырæн горæт Гуры снысан кодтой.

Фыццаг уал, хæдзар-музейы раз æрæмбырд сты, уый фæстæ та, Гуры Мады-Майрæмы цыппурсы кафедралон аргъуанмæ аивтой сæ бынат, цыран Стъалины уды номарæн панихидæ сарæзтой.

Советон раздзоджы уды номарæн панихидæ Фыд Гиорги Кокошвили ауагъта.

Йосеб Стъалин Советон цæдисæн 1924 азæй 1953 азмæ, йæ мæлæты онг, иуæгонæй уаг дæтта.

Уый Гуры 1878 азы райгуырдис. Йæ номимæ баст у Советон Цæдисы индустриализаци æмæ коллективизаци, 1935-37-æм азты массивон репресситæ, 1941-45-æм азты фашистон Германиимæ хæст, уый фæстæ та, «Уазал хæсты» райдыд.

Стъалины номыл ис горæты сæйраг проспект, ноджы ма дыууæ уынг йæ ныййарджыты: Екатерине æмæ Бессарион Джугъашвилиты ном хæссынц. Стъалины проспекты ном аивын, æвзонгадон организациты минæвæрттæ рагæй домынц.