Оккупирон Цхинвалы регионæй, 2008 азы Уæрæсе-Гуырдзыстоны хæсты рæстæджы бабынуæвæг Гуырдзыстоны авд æмбæстаджы мард-буары раластой ныгæнынмæ.

Ай фæдыл информаци паддзахадон æдасдзинады куыстуат парахат кæны.

Паддзахадон æдасдзинады куыстуаты информацимæ гæсгæ, ныртæккæ мард-буæртты Леван Самхараулийы номыл тæрхондоны медицинон экспертизæйы национ бюромæ æрбаластой æмæ æмбæлон процедурæты ауадзыны фæстæ, уыдон лæвæрд æрцæудзысты сæ хицæуттæн æмæ сæ бинонтæн.

«2017 азы октябры мæйы, оккупирон Цхинвалы регионы Тамарашены хъæуы уæлмæрдмæ ‘ввахс терриорийыл, Сырх Дзуары æхсæнадæмон камитеты (ICRC) æххуысæй æххæстгонд æрцыд уæлмæрды скъахын æмæ мард-буæртты эксгумаци. Мард-буæрттæн уагъд æрцыд экспертизæ æхсæнадæмон лабораторийы Хорватийы горæт Загребы, цæй фæстиуæгæн дæр уыдон идентифициргонд æрцыдысты. Ныртæккæ мард-буæртты æрбаластой Леван Самхараулийы номыл тæрхондоны медицинон экспертизæйы национ бюромæ æмæ сын æмбæлон процедурæты ауадзыны фæстæ, уыдон лæвæрд æрцæудзысты сæ хицæуттæн æмæ сæ бинонтæн.

90-æм азты Цхинвалы регионы æрцæугæ конфликты, афтæ ма 2008 азы Уæрæсе-Гуырдзыстоны хæсты рæстæджы æбæрæг сæфт гоймæгты æрцагурыны тыххæй, Сырх Дзуары æхсæнадæмон камитеты (ICRC) эгидæй функционир кæны æртæфарсон координацион механизм, кæцыйы Гуырдзыстоны централон хицауады паддзахадон æдасдзинады куыстуат æвдисы», - дзырд цæуы Паддзахадон æдасдзинады куыстуаты рапарахатгонд хъусинаджы.