«Æз ноджы иу хатт сидын Цхинвалы дэ-факто хицауадмæ байгом кæна уадзæн пунктты, цæмæй цæрджытæн радтой дыууæрдæм сæрибарæй змæлыны фадат æмæ нормалон царды уавæртæ». Ай фæдыл АИШ-ы минæвары хæсты æххæстгæнæг Элисабед Руд Квешы хъæуы фехъусын кодта, цыран уый скъолæйы байгом кæныны мадзалы хайад райста.

Банысангонд скъолæ Гуры муниципалитеты, дихгæнæг хаххы цур ис. Ахуыргæнæн уагдон, кæцы 2017 азы ноябрæй æхгæд æрцыд аварион уавæрмæ гæсгæ, АИШ-ы хицауады æххуысæй, цалцæггонд æрцыд. Раст, ацы скъолæйæ æрсидт минæвары хæсты æххæстгæнæг дэ-факто хицауадмæ, цæмæй йæ хъус æрдара адæймæгты гуманитарон уавæрмæ.

«Иугонд Штатты тынг тыхсын кæны ситуацийы фæфыддæр дихгæнæг хаххы цур, уæлдайдæр, хъуыддаг куы хауы ног сындзтелгæрæны ауагъдмæ, сæрмагондæй, уыцы бынæттыл, кæцыты Тбилис рагæй контроль кæны. Кæй зæгъын æй хъæуы, ай фыддæр кæны гуманитарон ситуацийы дихгæнæг хаххы дыууæ фарсæрдыгæй дæр æмæ цæрджытæн кæны зындзинæдтæ алы æрдæмадмæ. Мах ноджы иу хатт сидæм Цхинвалы дэ-факто хицауадмæ, цæмæй байгом кæна ацы уадзæн пункттæ, адæймæгтæн радта дыууæрдæм сæрибарæй цæуыны фадат, медицинон æххуыс цы адæймæгтæн хъæуы, уыдонæн цæмæй сæ бон уа райсой медицинон æххуыс æмæ иумæйагæйдæр ма хъыгдара адæймæгты нормалон цард кæнынæн», - загъта минæвары хæсты æххæстгæнæг.