Фотойыл: Калагаты (Къæбулты) Лолита æмæ Елбакидзе Ана.

Цæгат Ирыстоны ауагъд «Мисс Аланийы» конкурсы хайад райстой Елбакидзе Ана æмæ Калагаты (Къæбулты) Лолита. Адонæй, Калагаты (Къæбулты) Лолита «Мисс Алани 2019» сси.

Сæ дыууæ дæр Гуырдзыстонæй ацæугæ сты. Къæбулты Лолитайы фыд Гуры муниципалитеты Скърайы хъæуы цардис, фæлæ Елбакидзе Анайы фыдæлтæ та – Елбакидзеанткъарийы (Дзамайы ком).

Калагаты (Къæбулты) Лолитайы фыдæн Гуры муниципалитеты Хидистауы хъæуы хæстæджытæ ис.

«Мæ мад куы фæцæуы Владикавказмæ, уæд æнæмæнгæй бабæрæг кæны йæ фыды. Хæстæджытæ сты. Ацы чызгæн йæ фыд 90-æм азты конфликты рæстæджы ацыдис Цæгат Ирыстонмæ. Уым бинонтæ æркодта. Æвæццæгæн йæ мады мыггагыл ис», - загъта нын йæ хæстæг.

«Мисс Аланийы» уæнгтæ: Елбакидзе Ана æмæ Калагаты Лолита 2020 азæй Владикавказы футболон клуб «Аланийы» зынгæ цæсгæмттæ систы.