Ног хабæрттæ
2020 азы Чорчанайы хъæуы онг фæндаг асфальтгонд æрцæудзæн
Дихгæнæг хаххмæ ‘ввахс Чорчанайы хъæуы онг фæндаг асфальтгонд æрцæудзæн. Ай тыххæй Хашуры мериа 1,2 милуан лари рахицæн кодта.

Проектмæ гæсгæ, куыстытæ 2020 азы майы мæйæ райдайдзысты æмæ 6 мæймæ фæуыдзысты.

Дзырд цæуы 3 км-он фадыгыл, кæцы дыууæ хъæуы – Бролосаны æмæ Чорчанайы кæрæдзимæ бæтты. Бролосаны онг фæндаг асфальтгонд æрцыд 2019 азы кæроны.

Чорчана у уыцы хъæу, кæцымæ ‘ввахс 2019 азы 30-æм августы Гуырдзыстоны мидхъуыддæгты министрад блок-пост байгом кодта. Дэ-факто Хуссар Ирыстоны хицауады курдиатæй, Гуырдзыстоны хицауад провокацион къахдзæф авæрдта, уый тыххæй æмæ блок-посты æрмæст Чорчанайы территорийыл нæ байгом кодта, фæлæ йæ Знауыры районы, Цънелисы хъæуы бахизæны дæр æрывæрдта.

Ацы блок-посты байгом кæныны тыххæй, дэ-факто хицауад 2019 азы 4-æм сентябрæй алы уадзæн пунктыл змæлдæн арæнæвæрдтæ скодта. Дэ-факто республикæйы президент, Бибылты Анатоли ууыл ахъуыды кæнынæн «Республикæйы» цæрæг этникон гуырдзиæгтæм басидт, цæмæй Чорчанайы блок-пост тæссаг кæй у алкæцы æмбæстагæн дæр.

Блок-постмæ цы хауы, уымæй, нысангонд блок-пост Чорчанайы хъæуæй 4-5 км дæрддзæфмæ у æвæрд. Гуырдзыстоны хицауад сиды, цæмæй полицæйы пост æвæрд æрцыд уым, цыран Гуырдзыстоны хицауады юрисдикци хæлиу кæны.

Print