Коронавирусы пандемийы уавæрты Шида Картлийы ковид-центрæй уæлæмхасæн æртæ клиника кусдзæн. Ай фæдыл Æнæниздзинад хъахъхъæды министр, Тъикъаридзе Екатерине фехъусын кодта.

«Абоны уавæрмæ гæсгæ, Гуырдзыстоны 4392 сынтæг ис мобилизацигонд. Тбилисы масштабæй» 4 клиника райдайдзысты кусын иннæ бонты. Шида Карлийы – æртæ уæлæмхасæн клиника, Имереты регионы дæр 3 клиника, Кутаисы та уыдзæн уæлæмхасæн дыууæ клиника», - фехъусын кодта министр.

Йæ ныхасмæ гæсгæ, ацы этапыл бæстæйы сынтæг-фонды проблемæ нæй:

«Мах нæ нымайæм, æмæ нын ис сынтæг-фонды дефицит. Зонут æй æмæ пайда кæнæм уазæгдæтты тыгъдады. Уымæ гæсгæйæ алыхуызон информаци парахат кæны ай фæдыл, пациенттæ уынынц бæрæг риск уазæгдæттæм ахизыны фæдыл. Фæнды мæ зæгъын, æмæ уазæгдоны тыгъдады мобилизацигонд сты дохтыртæ æмæ медицинон хоты бригадæтæ, кæцытæ уыдонимæ мониторинг æмæ хос кæнын адарддæр кæндзысты афтæ, куыд клиникæты. Уазæгдæтты райсдзысты уыцы пациентты, кæцытæн уыдзæн минималон риск. Амæ гæсгæйæ спайда кæндзыстæм уазæгдæтты тыгъдады», - банысан кодта министр.

Министры хъусинагæй, ног клиникæты бафтауыны агъоммæ, бæстæйы ковид-пациенттæн 17 клиника лæггад кæны:

«Ам дæр нысаниуæгджын ивддзинад ис сæххæстгонд, абоны онг уæвæг 17 клиникайы, кæцы Тбилисы масштабæй хайад иста пациентты мониторингы, мах бафтыдтам ноджы 24 клиника. Абон Тбилисы масштабæй ацы клиникатæй алчидæр хайад исы пациентæн хос кæныны», - фехъусын кодта Тъикъаридзе Екатерине.