Ног хабæрттæ
6-æм ноябрь: Шида Картлийы коронавирусы 177 ног цау рабæрæг
Коронавирусы 2 775 ног цауæй 1 044 Тбилисы рабæрæг, 526 – Имереты, 503 – Ачъарайы, æмæ 177 та – Шида Картлийы.

Ай фæдыл уагдæттыхсæны координацион советы уæвæг оперативон штабы хистæр Ходжеванишвили Александр, хицауады администрацийы ауагъд брифингыл фехъусын кодта.

Уый информацимæ гæсгæ, бæстæйы æндæр регионты "Къовид-19"-ы ног цаутæ дихгонд цæуынц афтæ: Квемо Картлийы – 207, Шида Картлийы – 177, Гуриайы – 89, Самегрело æмæ Земо Сванеты – 117, Къахеты – 36, Мцхета-Мтианеты – 43, Самцхе-Джауахеты – 25, Рачъа-Лечхумы æмæ Квемо Сванеты – 8.

Ходжеванишвили куыд фехъусын кодта, афтæмæй, фæстаг 24 сахаты мидæг коронавирусæй 22 адæймаг фæзиан, уыдонæй Тбилисы – аст, Ачъарайы – æхсæз, Имереты – авд, æмæ Квемо Картлийы та - иу адæймаг.

2020 азы 26-æм февралæй абоны онг коронавирусæй æдæппæт 423 адæймаг фæзиан.

"Ацы этапыл инфицирады 14 525 активон цау ис. 4 618 адæймаг хос кæны рынчындоны, уыдонæй, Тбилисы рынчындæтты хос кæны – 2 279, Ачъарайы – 734.

Уæззау пацинттæ нæм ис 619, уыдонæй, Тбилисы – 336, Ачъарайы – 83. Адонæй, аразгæ улæфты аппаратыл иугонд ис 268 гоймаг, уыдонæй, Тбилисы – 124, Ачъарайы – 79. 2 438 адæймаг ис ковид-уазæгдоны, уыдонæй, 1 174 – Ачъарайы ис, фæлæ 841 та – Тбилисы. 7 469 гоймаг хос кæны хæдзары", - фехъусын кодта Ходжеванишвили Александр.

Print