Ванишвили Датайы хъæбулы хъæбул бинонтæ æркодта. Владикавказы цæрæг, 28-аздзыд Ванишвили гуырдзиаг чызгимæ йæ цард сиу кодта. Ванишвилийы каистæ Гуырдзыстоны хицауады дæлбар уæвæг территорийыл цæрынц.

«Ойы, æцæг у ацы хабар. Мæ хъæбул æмæ Малхаз сæ цард сиу кодтой. Кæм æмæ куыд цæрдзысты, уый зæгъын мын нырма зын у», - загъта нын чызджы мад.

Ванишвили Малхазы тыххæй ма 2018 азы январы мæйы дæр фыстам.
Кавказы университеты студенттæ сындзтелгæрæны фале цæрæг Ванишвили Датайы уынынмæ куы ныццыдысты, уæд уый йæ дадаимæ иумæ уыдис.

Ванишвили Малхаз, ныртæккæ, 28 аздзыд у, йæ дадайы æмæ йæ нанайы уынынмæ, хъæумæ, Владикавказæй æрцæуы. Уый йæ ныййарджытимæ иумæ Валадикавказы цæры.

«Дзурынц мын, зæгъгæ, дам, сындзтелгæрæны цурмæ 10 метрмæ æввахс куы бацæуай, уæд, мæ æрцахсдзысты æмæ мæ арвитдзысты Владикавказмæ. Ам куы райдайон цæрын, уæд цы хъуамæ аразон? Хъæумæ цæуын нæ уадзынц, Цхинвалмæ та цæуын зын у, Ахалгори-Цхинвалы фæндагыл, уæлдайдæр та, зымæджы периоды, цæуыны фадат нæй», - загъта нын Ванишвили Малхаз 2018 азы январы мæйы.

Qartli.ge бæргæ бафæлвæрдта ацы хабары комкоммæ эфиры равдисын Хурвалетæй, фæлæ нæ мидхъуыддæгты министрад хъæумæ нæ бауагъта.