«Гуры æвзонг дипломатты клубы» уæнгтæ, абон, Америкæйы минæвар, Ян Келиимæ  фембæлдысты.

Фембæлд Гуры ахуыргæнæн университеты уагъд æрцыди.

Студенттæ æмæ ахуырдзаутæ минæваримæ Гуырдзыстоны æмæ Америкæйы æмахастыты перспективæтыл, Натоимæ æмæ Евроцæдисимæ интеграцийы фарстæтыл æрныхас кодтой.

Æрымысыдысты 2008 азы августы хæст æмæ сæ хъусдард аздæхтой æхсæнадæмон фарсхæцыны нысаниуæгдзинадыл. Ян Кели уыдонæн йæхи сæрмагонд фæлтæрддзинæдты тыххæй радзырдта.

Гуры муниципалитеты æвзонг дипломатты клуб 2017 азы уалдзæджы арæзт æрцыд.

Проекты нысан у баххуыс кæна Гуры муниципалитеты цæрæг мотивацигонд æрыгæтты æмбарынады сбæрзонд кæнын дипломатийы рдыгæй, рапарахат сын кæна сæ интерестæ æмæ ифтонггонд æрцæуа сæ гоймагон æмæ профессионалон рæзынад.

Дипломатты клубæн конкурсы гъдауæй 16-æй – 22 азы кармæ 20 æвзонг æвзæрст æрцыди. Клубы уæнгтæн 10 мæйы дæргъы уагъд цæудзæни тренингтæ æндæр æмæ æндæр темæйыл, уагъд цæуы дискусситæ, æвдыст цæуы кинотæ æмæ нысаниуæгджын фæзындты æвзарын.

«Æрыгæттæн ис гæнæндзинад базонгæ уой æмæ хайад райсой бынæттон æмæ æхсæнадæмон æмвæзадыл уæвæг æвзонгадон гæнæндзинæдты æмæ мадзæлтты (тренингтæ, конкурстæ, стипендитæ, лæвар резидентон кæнæ онлайн курсытæ æмæ а.д.). Клубы уæнгтæ периодиконæй хайад райсдзысты фембæлдты, цыран хуынд уыдзысты Гуырдзыстоны акредитацигонд дипломатион корпусы минæвæрттæ», - банысан кодта клубы организатортæ.

Уымæй дарддæр ма, дипломаттæ уыдонæн сæ фæлтæрддзинад амонынц, зонгæ сæ кæнынц сæрмагонд бæстæйы културæимæ, сдзуапп кодтой æрыгæтты фарстытæн дипломатийы фарстæты фæдыл. Проекты, Гуры муниципалитеты гамгеобайы финансгондæй, ассоциаци «Наквалеви» æмæ Гуры ахуыргæнæн университет æххæст кæнынц.