Абон, дихгæнæг хаххмæ ‘ввахс Дицы хъæуы астæуккаг скъолæйы фæзуаты библиотекæ байгом.

Амæ гæсгæ, Гуырдзыстоны культурæйы министрады, парламенты нацоналон библиотекæйы æмæ змæлд «Еквилибриумы» минæвæрттæ Дицы хъæумæ лæвæрттимæ ныццыдысты. Уыдон ног чингуытæ балæвар кодтой библиотекæйæн æмæ скъолæйы хуыздæр ахуырдзаутæн.

Фæзуаты мини библиотекæ (а. х. «Чиныгы ахстон») арæзт æрцыд æмæ уым æвæрд чингуытæй алкæмæн дæр йæ бон у спайда кæнын. Сæрмагондæй, цæрджытæн сæ бон у æмæ чиныгдонæй рахæссой чиныг, бакæсой æмæ йæ стæй фæстæмæ æрбахæссой, фæндонмæ гæсгæйæ та гæнæн ис ног чиныг ныууадзой. Ахæм хуыз модел парахатгонд цæуы дунейы æнтыстджын бæстæты.

Мини библиотекæйы дизайн символикон у æмæ йын халагъуды формæ ис. Ахæм халагъуды формæйы библиотекæтæ дихгæнæг хаххмæ ‘ввахс æндæр хъæуты дæр конд æрцæудзæн. Ацы этапыл ахæм хуыз мини-библиотекæйы бакæнын Гуры муниципалитеты Дицы хъæуы плангонд æрцыд. «Фæзуатон библиотекæ» цалдæр азы размæ Анаклийы бульвары дæр конд æрцыд.

«Еквилибриум» Гуырдзыстоны бирæ горæтты сарæзта ахæм мини-библиотекæтæ. Ныртæккæ ацы проект нjджы масштабон формæ райста. Сæрмагондæй, «Фæзуатон библиотекæты» дискусситæ æмæ æмбæстагон активтæ уагъд цæудзæн æмæ уый иухуыз культурон-ахуырадон тыгъдад суыдзæн. .

«Фæзуатон библиотекæтæ» змæлд «Еквилибриумы» инициативæй, Гуырдзыстоны культурæйы æмæ цыртыты хъахъхъæнынады министрады æмæ Анакълийы рæзты Косорциумы сфинансгондæй æххæстгонд цæуы æмæ уымæ хауы адимнистративон арæнтæм ввахс хъæуты чиныгзонты æмвæзад сбæрзонд кæнын æмæ культурон-ахуырадон тыгъдæдты саразын.

Дицы хъæуы фæзуатон библиотекæйы саразын Гуыр муниципалитеты, Гуырдзыстоны парламенты националон библиотекæйы, аоæзтадон компаниты «Новайы» æмæ «Цитаделы» æххуысæй арæзт æрцыд.