Иу къуыри уыдзæн Гуры муниципалитеты Квешы хъæуы скъолæ æхгæд куы æрцыд. Зæронд бæстыхаймæ гæсгæ, скъолæ аварион уавæры ис æмæ йæ уæлхæдзарæй дон тæдзы.

Дымгæ æмæ къæвдатæн, фæстаг бонты, æртыккаг уæладзыджы цар нал бафæрæзта. Бынæттон цæрæг, Шалва Уканцъхъароели дзуры, зæгъгæ дам, чысыл ма бахъуыд æмæ æфснайæг хæлд æрмæджы бын фæуыдаид.

«Цалдæр азы дæргъы дзырдтам, цæмæй скъолæ пырх кæны. Цалынмæ йæ уæлхæдзар не ркалд, уæдмæ йæм йæ хъус ничи æрдардта. Ныр æрцыдысты цалдæр боны размæ, бабæрджытæ йæ кодтой æмæ загътой, цæмæй дам скъолæ хъуамæ æхгæд æрцæуа», – зæгъы Шалва Уканцъхъароели.

Скъолæйы директор Гуры цæры, йæ хæдивæг та, Гареджвары хъæуы. Хъæуы баззайгæ скъоладзаутæ та, скъолæйы кæрты хъазын дарддæр кæнынц. Кисишвили Гиоргийæн загътой, цæмæй уый иннæ къуырийæ чысыл Гареджвары скъолæмæ цæудзæнис. Кæстæр кълæсты ахуырдзаутæ – Квемо Арцеуы райдайæн скъолæмæ.

Ацы информацийы ахуырады министрады ресурсцентры минæвар Гоглидзе Тамар бæлвырд кæны. Уый ныхасмæ гæсгæ, 229 сывæллонæй 82 ахуырдзау Квемо Арцеуы райдайæн скъолæмæ æрвыст æрцæудзысты. Иннæтæ 147 ахуырдзауы та, Гареджвары скъолæйы адарддæр кæндзысты сæ ахуыр.

«Ахуырдзауты транспортиркæнынады фарстæйы бынæттон муниципалитет æрбæстон кæндзæн. Ахуыры процесс скъоладзаутæн иннæ къуырийæ райдайдзæнис, æрмæст æндæр хъæуты скъолæты. Скъолæйы реабилитацимæ та цы хауы, уымæй абон дæр уыдысты ахуырады министрадæй минæвæрттæ æмæ нын загътой, цæмæй иу къуыримæ тендер расиддзысты», – зæгъы Гоглидзе Тамар.

Зымæджы уавæртæм гæсгæ, æвæццæгæн, скъолæйы реабилитаци фидæн ахуыры азы райдыдмæ адаргъ уыдзæнис. Уæдмæ уал сæдæгай сывæллон хъуамæ цæуа сыхаг хъæуты скъолæмæ. Квешы хъæумæ бацæуæн фæндаг реабилитацигонд у.