Ног хабæрттæ
Инфициргондтæ фыццаг вакцинацийы фæстæ
50 аздзыд Инга цæры Хашуры. Чысыл раздæр æй «Гормедæй» рафыстой, уый тыххæй æмæ фыццаг вакцинацийы фæстæ, коронавирусæй уыди инфициргонд. Ингайы уавæр уыдис рæстæмбис уæззау, уыйхыгъд, йæ хъæбул, кæцы æххæстæй уыдис вакциниргонд, коронавирус æнæсимптомæй бавзæрста:

«Астразенекъайы фыццаг доза 26-æм майы сарæзтон, дыккаг дозæйы хъуамæ сарæзтаин 26-æм июлы. Раст ацы дыууæ периоды хсæн мыл бахæцыд вирус. Амæ гæсгæйæ, дыккаг доза сдзæбæхæй иу мæймæ хъуамæ саразон. Фæнды мæ зæгъон уын, цæмæй фыццаг вакцинæйы фæстæ мæхи хорз хатыдтæн. Мæ хъæбул мæ срегистраци кодта вакцинацийы тыххæй. Тæрсгæ æппындæр нæ кодтон, вакцинаци мын исты цауд фæстиуæг æрхастаид, зæгъгæ. Иунæг-иу цæмæй тарстæн уый уыди, цæмæй дыккаг дозæйы онг æнæ инфицирадæй бахæццæ уыдаин, фæлæ хъыгагæн ацы периоды вирус бæстæйы ахæм цырдæй апырх ис, æмæ æнæгæсгæ рекомендациты æххæстмæ, уæддæр мыл бахæцыд», - зæгъы Инга.

Вирус, кæцыйы кой кæны Инга, коронавирусы Дельта штам у. Уый æрмæст Гуырдзыстоны нæ, фæлæ æгас дунейы мидæг доминантон сси.

Инга æппæты фыццаг, хæдзары хос кодта, фæлæ стæй йæ уавæр фæфыддæр.

«Гормеды схос кодтон. Мæ дохтыртæ уыдысты Мгъебришвили Гия æмæ Масурашвили Нана. Бузныг сæ дæн. Æнæнормалон режимы кусынц, тынг бирæ ковидæй рынчын пациенттæ сын ис. Сæрæй тагъд æххуысмæ куы фехъусын кодтам, уæд мæ нæ хъавыдысты акæнын, дзырдтой мын дзæбæх, дам, дæ, фæлæ йæ æз хатыдтæн, кæй нæ уыдтæн дзæбæх æмæ куырдтон, цæмæй мæ акодтаиккой клиникæмæ. Æнхъæлмæ кастыстæм бынаты ссæрибармæ. Стæй, мæ амондæн бынат разынди «Гормеды» æмæ уым иртасæнтæ фенын кодтой, цæмæй рæстæмбис уæззау рынчын уыдтæн. Уыдис мын рæуджыты базиангонд 16 балы, тугахст», - кой кæны Инга махимæ ныхасгæнгæйæ.

Фæлæ уый клиникæйы бирæ уæззаудæр пациентты федта.

«Сæрæй раст уыдонимæ иумæ хъавыдысты мæн ныууадзын, кæцы мæм тынг бахъардта. Уыдис дзы иу карджын сылгоймаг, кæцы нæ хордта, не змæлыди. Æрмæст бадтис сахатгай цæстытæ бацъындгæнгæйæ æмæ æнæзмæлгæйæ. Иуæй-иу хатт персонал кæрæдзийы ивта. Зæгъæм, федтон медхоты, кæцытæ санитары функцийы дæр æххæст кодтой. Афтæ-ма, уыди санитар дæр, кæцы медхойы æххуысгæнæг уыд. Ныр телевизоры рынчындоны кадртæ куы уынын, уæд тынг фæриссы мæ зæрдæ», - зæгъы Инга.

Инга мæт кæны ууыл, æмæ æххæст дозæйæ кæй не ‘рцыд вакциниргонд, уымæн æмæ йæ нал бахъуыдаид клиникæйы уæвын.

«Чизоны алцы афтæ нæ фæфыддæр уыдаид. Афтæ уый тыххæй хъуыды кæнын, æмæ мæ хъæбул, кæцыйæн арæзт уыдис вакцинæйы æххæст дозæ, ковиды æнæсимптомæй бавзæрста», - дзуры нын Инга.

Вакцинæйы дыккаг дозæйы сарæзтмæ вирус бахæцыд 28 аздзыд хашураг Леуаныл дæр. Уый Синофармæй фыццаг хатт 10-æм июлы вакцинаци скодта æмæ йæ уырныдта, цæмæй пандемийы басæттынæн æппæты хуыздæр амал равзæрста.

«Фыццаг вакцинацийы фæстæ цыдæрхуызон тæссаг фæндагыл хизыс. Хъуыды кæнын, вирусы ахæм апырхы фоныл мын, бантысдзæн æви нæ æнæнизæй дыккаг дозæмæ бахæццæ уон. Аимæ цъус хъæлдзæг дæр уыд, антиваксерон зонгæтæ мæм сæ хъус тынгдæр дардтой, ома, вакцинацийы фæстæ куыд уыдзæнис æмæ-иу мæ раздæрæй арæхдæр æрфарстой. Хъыгагæн, дыккаг дозæмæ иу бон раздæр мын рабæрæг ковид æмæ мæ сæрдыгон пълæнттæ дæр изоляцимæ ахызтысты. Дыккаг вакцинаци дæр арæзт æрцæудзæн сдзæбæхы фæстæ», - дзуры нын Леуан.

Уый хæдзары хос кæны æмæ йын уыйас ницы карз симптомтæ уыди, фæлæ йын уыдис сæрниз, уæрджыты æмæ астæуы рыст.

«Вакцинæйæ нæ фæтарстæн. Æз уымæй тарстæн, мæнæ ныр цы уавæры дæн. Æрцагуырдтон минхуыз информаци вакцинæты тыххæй æмæ аскъуыддзаг кодтон, цæмæй ай иунæг-иу амал кæй уыди. Фæлæ, хорз уыдаид, дыккаг дозæмæ куы бахæццæ уыдаин», - дзуры Леуан.

20-æм августы бæрæггæнæнтæм гæсгæ, Гуырдзыстоны, æдæппæтæй уагъд æрцыд 907 665 вакцинаци. Æххæстæй вакциниргонд у 266 962 адæймаг. 19-æм августы та - 23 986 гоймаг.

Иууыл æввхсдæр бæрæггæнæнтæй, SARS-COV-2-йы «Тыхстдзинады расайæг» Дельта штам Европæйы цырдæй пырх кæны æмæ континенты стырдæр хайы ныридæгæн доминантон сси.

WHO-ы Европæйы регионон офисы æмæ Низфæзындты превенцийы æмæ контролы Европæйаг центры (ECDC) ‘рдыгæй рабæрæггонд бæрæггæнæнтæм гæсгæ, 2021 азы 28-æм июнæй 11-æм июлмæ Дельта штам доминир кодта бæстæты фылдæры (19 бæстæ), уыцы 28 бæстæйæ, кæцытæ сфыстой æххæст генетикон секвенирады информаци. Ацы 19 бæстæйæ, бынæттонæй секвениргонд вирусы изолятты астæуккаг хайы рабæрæг Дельта штам ис 68,3%. Ацы æвдисæг фылдæр у уæдмæйы доминантон Альфа штамы æвдисæгæй (22,3%) регионы.

Ныртæккæйы тенденцимæ гæсгæйæ, иннæ мæйты Дельта штам глобалон доминантон суыдзæн. Уый ныридæгæн рабæрæг Европæйы алы бæстæйы. Йæ апырхад адарддæр уыдзæн æмæ уый фæивдзæн æндæр штамты бынативд дæр, уыцы цауы, кæд нæ разындзæни ног конкурентхъомджын вирус.

Ганс Генри Клюге, WHO-ы Европæйы регионон офисы директор дзуры: «Пандемийы фæудмæ нырма ноджы дард стæм. Хъыгагæн, бирæ бæстæйы цауты нымæц фылдæр кæны, кæцы бастгонд у Дельта штамы цырд темпæй апырхимæ. Уæнг паддзахæдты ‘рдыгæй цæрджыты вакцинацийы тырнындзинадмæ æнæгæсгæйæ, милуангай адæймаг нырма ноджы нæу вакциниргонд æмæ уыдон госпитализацийы тасдзинады раз лæууынц».

«Хорз хабар у уый, æмæ бæрæггæнæнтæ ирдæй равдисдзысты, цæмæй вакцинацийы æххæст курс нысаниуæгджынæй къаддæр кæны низфæзынды карз формæты æмæ мæлæты рискы. Ай тыххæй, хъуамæ вакцинаци скæнæм, нæ рад куы ‘рлæууа уæд».

«Вирусы апырхы сæрæй аиуварс кæнынæн, хъуамæ уæм сæрхызт æмæ сырæзгæ ситуацийы ныхмæ цæттæ уæм. Ай нысан кæны, цæмæй гæнæндзинадмæ гæсгæ хъæугæ у æххæстæй скæнæм вакцинаци, хъахъхъæнæм кæнæм дистанци, арæх ныхсæм нæ къухтæ, нæхи бахизæм адæмарæх бынæттæй æмæ бахъуыды цауы, дарæм медицинон маскæ. Мах ныридæгæн зонæм, цæмæй ацы мадзæлттæй нæхи æмæ нæ алыварсуæвæг адæймæгты кæй хъахъхъæнæм», - зæгъы Андрей Амони, ECDC директор, - «Ацы мадзæлтты, нæ бон у «Антилокдауны» мадзæлттæ дæр схонæм, уымæн æмæ се ‘ххæст кæнын сайы вирусы превенцийы «Локдауны» æнæмæнгдзинады æдде».

Print E-mail
FaceBook Twitter

სტატიის გამოყენების პირობები

ამავე კატეგორიაში
Хидистауы хъæуы дыууæ къуырийы размæ æмрæстæджы 30 адæймаг
Хидистауы хъæуы дыууæ къуырийы размæ æмрæстæджы 30 адæймаг
17:17 / 18.11.2021
Адарддæр кодтам нæ фæндаг æмæ разындис Сукиты хъæу.
Адарддæр кодтам нæ фæндаг æмæ разындис Сукиты хъæу.
20:28 / 16.11.2021
Æниу, куыд Карелы районы Ахалсопелийы хъæуы бæрнон
Æниу, куыд Карелы районы Ахалсопелийы хъæуы бæрнон
21:54 / 14.11.2021
Хид деформаци кæнын дыууæ азы размæ райдыдта. Абон
Хид деформаци кæнын дыууæ азы размæ райдыдта. Абон
16:25 / 13.11.2021
Уыцы боны, мах куы бацыдыстæм, уæд æй æнкъадгомау баййæфтам.
Уыцы боны, мах куы бацыдыстæм, уæд æй æнкъадгомау баййæфтам.
11:09 / 13.11.2021
ვიდეორეპორტაჟი

დავით ავაზნელისთვის წელს ყველაზე დასამახსოვრებელი ის ფაქტი იყო,

ალვინა გაგლოშვილმაც პედაგოგიური საქმიანობა ოქროსოფლის სკოლაში დაიწყო.
,,ხომ იცით ბავშვის ბუნება?. სწორედ ხიდზე მოუნდებათ ხოლმე სირბილი და ხტუნაობა.
,,უფროსს ვუთხარი შენი წყლის ამბავი, მაგრამ ესე მითხრა – წელს ვერ მოესწრებაო
გასული თვის პოპულარული სიახლეები
ბატიური – ერთი ადამიანი ბესტავაანთ სოფელში
თანაც ის ამ სოფლის სიძეა. დუბი – ასე იცნობენ დურმიშხან ფილიშვილს ღვანანას ხეობაში
გვერძინეთი (PHOTO/VIDEO)
ერთმანეთთან შეხამებულია სასულიერო და საერო პირთა საცხოვრისი; აჭარული და ოსური ყოფა;
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.

ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.