коронавирус
Статьятæ
"Цыдæриддæр нæм æвæрд æмæ æфтиаг уыдис, уыдон ацы иу азы мидæг бахардз
22:56 / 26.03.2021
Къодауардисубаны фæндагыл ацæуын Бестауашвили Лелайы сахатæй фылдæр хъæуы.
00:22 / 01.04.2021
Земо Ормоцийы хъæу Тъанайы комы уыцы бынаты ис, цыран
19:47 / 12.02.2021
Раст уыцы рæстæджы, æппæтæй тынгдæр сæ куы фæхъæуы аудындзинад, уыдонæй иутæ иунæг
19:57 / 26.02.2021
Къæлиндар
«« Жьҭaaрa 2021 »»
п в с ч п с в
27282930 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
Ног хабæрттæ
Æхгæд лагерь пандемийы рæстæджы
Гуры муниципалитеты Бобнеуы хъæуы лагерь 2021 азы 6-æм июлы байгом, фæлæ – 10 бонмæ æхгæд æрцыд. Премьер-министр, 17-æм июлы фехъусын кодта, цæмæй лагеры типы æмбырдтæ 19-æм июлæй тобæгонд æрцæудзысты. Бобнеуы лагеры сабитæ æмæ хъомылгæнинæгтæ 18-19-æм июлы ныууагътой.

18-æм июлы, изæры стыр арт скодтой, алчидæр сæ тырныдта, цæмæй максималонæй спайда кодтаид баззайгæ минуттæ. Лагеры лидер Надирадзе Скъипъ (Мамукъа), архайдта, цæмæй ацы изæр уыдонæн уыдаид æнæферохгæнгæ:

«Федтат уæхи цæстæй, нырма цалдæр боны рацыдис лагерь куы байгом уæдæй, æмæ нын фехъусын кодтой, цæмæй лагерон æмбырдтæ тобæгонд кæй æрцæудзысты. Мах, кæй зæгъын æй хъæуы, æххæст кæнæм ацы регуляцитæ, сабитæн тынг зын уыдис, фæлæ нын æндæр амал нæ уыдис. Сæрды дæргъы, ардæм хъуамæ цалдæр къорды æркодтаиккам. Сабиты мэриа æвзæрста æмæ сын мах та – хъуамæ фысымиуæг бакодтаиккам», - зæгъы нын лагеры разамонæг.

Лагерь «Тъонтио» Бобнеуы хъæуы ныр цалдæр азы уæвы. Ацы хъæу Тъанайы комы ис, сæрмагондæй, Атъены хъæуы фæстæ ис. Ам æввахс у Бийсы хъæу, цыран тынг рæсугъд æхсæрдзæн ис. Ацы æхсæрдзæнмæ иу уынæг цыдысты.

Хъомылгæнинæгтæ райсомæй 7 сахатыл райдайынц тренировкæ кæнын, стæй аходæн кæнынц æмæ æххæст кæнынц æндæр æмæ æндæр активтæ. Пълан кæнынц балцытæ. Надирадзе Скъипъ куыд зæгъы, уымæ гæсгæ, хъомылгæнинæгтæ сæ рæстæг, сæйрагæйдæр халагъудты (палаткæты) æдде æрвитынц, гом тыгъдады, кæнæ хъæды, кæнæ историон цыртдзæвæнты уынынмæ цæуынц:

«Зæгъон уын, æмæ стыр тас уæвыди лагеры эпидемийы апырх кæныны, мæнмæ гæсгæ, афтæ нæ уыдис, уымæн æмæ, алы регуляцийы дæр æххæст кодтам, тагъд – тесттæй систематиконæй бæлвырд кодтам лагеры хайадисджыты, æниу нæ уæддæр бахъуыди ситуацийы хыгъдмæ бахæссын», - зæгъы Надирадзе Скъипъ.

Куыд мэриайы 8-æм июлы хъусинаджы у банысангонд, афтæмæй, ацы азы сæрды 400 сабийы хъуамæ баулæфыдаид. Фыццаг къадайы (къорды) рæстæджы, 50 сабийы акодтой.

«Абон æвзонг фæсивæды (50 æвзонг) фыццаг къорд афæндарасти. Уыдон лагеры 5 боны баззайдзысты. Мэриа проекты 36 800 ларийæ финанс кæны. 14 азæй 19 азы онг хъомылгæнинæгтæн лагерь аст этапæй бафысымиуæг кæндзæн. Лагеры бенефициартæ быдырон уавæрты халагъудты (палаткæты) цæрын сахуыр кæндзысты. Афтæ-ма арæзт æрцæудзæн балцытæ, уагъд æрцæудзæн спортивон æмæ культурон мадзæлттæ. «Сæрдыгон лагерь - 2021» Тъанайы комы, Гуры муниципалитеты мэриайы æмæ ассоциаци «Тъонтиойы» æмфинанскæнынадæй байгомис», - нысангонд цæуы Мэриайы 8-æм июлы хъусинаджы.

Мэриайы бæрæггæнæнтæм гæсгæ, лагерьмæ сабиты æвзаргæйæ, сæ фылдæр æвзæрст æрцыд социалон æнæхъахъхъæд, бирæзæнæгджын, лигъдон бинонты æмæ оккупацигонд территориты æмарæн хъæуты цæрæг æмæ æндæр æмæ æндæр проекты хайадисæг активон æвзонг фæсивæд.

Надирадзе Скъипъ зæгъы, цæмæй 19-æм июлы фæстæ, Гуры мэриамæ фыстæг арвыстой, цæмæй сабиты фæндонмæ сæ хъус æрдарой æмæ лагеры функци сног уа:

«Уыйас халагъудтæ æвæрд æрцыд, уыйас педагог куыста, уыйас саби у фыст, уый тыххæй нæ фæндондзинад у, цæмæй лагеры куыст сног уа. Æххæст кæндзыстæм алыхуыз регуляцийы дæр. Æнхъæлмæ кæсæм дзуаппмæ», - зæгъы лагеры разамонæг.

Уый ныхасмæ гæсгæ, лагеры нæй эпидемийы тасдзинад. Æхсæвы халагъуды æрмæст 4 адæймаг фынæй кæны, æнæгæсгæйæ уымæ, æмæ дзы 5 адæймаг хъуамæ уа.

«Афтæ-ма, зæгъын хъæуы уый дæр, цæмæй сабитæ фылдæр гом тыгъдады кæй вæййынц. Змæлынц æмæ къаддæр шанс ис, ноджыдæр-ма фæлхатт кæнын, эпидемийы апыркæнынад минимум кæй у, æххæст кæнæм регуляциты. Æддейæ никæй уадзæм. Ис нын медицинон халагъуд. Фенæм, цы уынаффæ рахæсдзысты», - зæгъы Надирадзе.

Бобнеуы лагерь 2008 азы арæзт æрцыд. Уæды премьер-министры уынаффæйæ 4 га фæзуат, хъæдты фондæй рахицæнгонд æрцыд. Уæды онг, банысангонд территорийыл арæзт уыдис Гуры фæлварæн-амонæн хъæдты хæдзарад.

Лагерты арæзты æппæтадæмон фæлтæрддзинад

Сабиты хъахъхъæныны организаци, кæцы Америкæйы педиатрийы институты базæйыл у арæзт, рекомендацитæ уыцы ныййарджытæн бакуыстгонд æрцыд, кæцытæ лагерьмæ сæ хъæбулты арвитын фæнд кæнынц.

Специалисттæ æмбарын кæнынц, цæмæй сæрдыгон лагерьтæ, сабиты æмæ хъомылгæнинæгты ‘хсæн, кæрæдзиимæ схæлардзинады шанс фылдæр кæны, æххуыс кæны райрæзтæн. Бирæ ацы гæнæндзинад COVID-19 пандемийы рæстæджы, не спайда кæндзысты сабитæ.

«Пандемийы райдыдæй иу азæй фылдæр рæстæджы дæргъы, иртасæнтæ фенын кодтой, цæмæй лагерьтæ æдасдзинады æмбæлон мадзæлттæм гæсгæ, гæнæн ис нысаниуæгджынæй фæкъаддæр кæна COVID-19 инфекциты апырхкæнынад.
Сæйраг къахдзæфтæм хауы COVID-19 вакцинацийы, физикон дистанцийы хъахъхъæнынады, чысыл къордты комплекткæнынады, мидæгон тыгъдады медицинон маскæты дарыны, къухты гигиенæйы æмæ сыгъдæгдзинады æмæ дезинфекци кæныны, куыд алыбойнон рутинон хайы», - нысангонд у иртасæны.

Лагеры байгом кæныны цауы, 2 азæй хистæр кары саби æмæ алы æмкусæг хъуамæ дара медицинон маскæ бæстыхайы мидæг, уæлдайдæр уыцы цауы, кæд алчидæр нæ уыдзæнис æфтыд (вакцинацигонд).

Кæд лагерь кусдзæн æххæстæй вакцинацигонд персоналæй æмæ хайадисджытæй, уæд лагеры уæвгæйæ нæу хъæугæ уæлæмхас COVID-19 æдасдзинады мадзæлттæ, цахæм у физикон дистанци.

Куыд баххуыс кæндзæнис лагерь æнахъом сабитæн, цæмæй уыдон бахъахъхъæной коронавирусы æдасдзинады уагæвæрдтæ? Лагерæн хъуамæ уа кармæ гæсгæ æмбæлон фадæттæ, цæмæй баххуыс кæной сабитæн æдасдзинады мадзæлтты хъахъхъæнынæн, цахæм у гигиенæ æмæ æдасон дистанцийы æххæст кæнын гæнæндзинадмæ гæсгæ æмæ практиконæй. Ай гæнæн ис æмæ уа расидт, уæлдайдæрæй æвзонг лагертæн, уымæн æмæ уыдон бахъæудзæн фæлтæрддзинад.

Дуармæ куыст, фылдæр сыгъдæг уæлдæф къаддæр кæны COVID-19-ы апырхы риск æнæвакциниргонд сабиты ‘хсæн. Дуармæ уæвынад-ма ноджы дæтты сабитæн æрдзимæ æввахсдзинады фадатдзинады, кæцы гæнæн ис æмæ фæхуыздæр кæна уыдонæн се ‘нæниздзинад æмæ психологон уавæр дæргъвæтин æмæ уæззау азы фæстæ. Фæлæ, лагерьтæ хъуамæ фæцъусдæр кæной иумæйаг ифтонгад хъазтыты æмæ активты æмæ хъуамæ арæх ссыгъдæг кæной уыдон.

Цы рцæудзæн, кæд уыдонæй исчи фæрынчын уыдзæн? Лагертæн хъуамæ уа пълан арæзт, цы хъуамæ сараза, кæд æмæ хайадисджытæй кæнæ персоналы уæнгтæй искæмæн райдайдзæн COVID-19-ы симптомтæ, кæнæ æндæр исты низфæзынд. Уый хъуамæ бындурæвæрд уа æхсæнадон æнæниздзинад хъахъхъæды центры рекомендациты æмæ политикæйы уый тыххæй, кæд æмæ куыд хъуамæ среагир кæна.

Лагеры уæвæг сабитæ гæнæн ис тæрсой хæдзарæй дард уæвынæй æмæ-ма афтæ ноджы, æндæртимæ комкоммæ фембæлынæй. Лагеры кусæг гоймæгтæн, кæцытæн сæ хæс у сабитæм зилын, уыдонæн хъуамæ уа специализацион тренинг рацыд, цæмæй баххуыс кæной сабийæн стрессы аиуварс кæнынæн.

Америкæйы низфæзындты контролы æмæ превенцийы центрмæ (CDC) гæсгæ, лагеры чысыл къорды фæлтæрд персоналимæ, фæкъаддæр кæндзæн COVID-19 риск æнæвакциниргонд сабитæн.

Гуырдзыстоны сабиты ‘хсæн коронавирусы цаутæ фæстаг мæйы дæргъы цæхгæр фæфылдæр сты. Низфæзындты Контролы Национ центры Шида Картлийы организацийы къухдариуæггæнæг, Корчашвили Экъайы ныхасмæ гæсгæ, фæстаг бæрæггæнæнтæй, Шида Картлийы коронавирусæй 59 саби у инфициргонд.

3-аг августы Гуырдзыстоны коронавирусæй инфицирады 4 827 ног цау ис, сынæниз 1 895 гоймаг, амард 34 пациент.

Абон бæстæйы рабæрæг инфицирады 4 827 ног цаутæй: Тбилисы рабæрæг 2 297 цау, Ачъарайы - 634, Имереты - 494, Квемо Картлийы - 253, Шида Картлийы - 262, Гуриайы - 100, Самегрело – Земо Суанеты - 224, Къахеты - 323, Мцхета-Мтианеты - 156, Самцхе-Джауахеты - 47, Рачъа-Лечхумы æмæ Квемо Суанеты - 37.

Бæстæйы COVID-19-ы пандемийы апырхæй абоны онг рабæрæг сбæлвырдгонд цауты иумæйаг нымæц у 428 670. Фæлæ æдæппæт сынæнизты нымæц та у 388 893-йы онг. Пандемийы апырхæй абоны онг вирусæй æдæппæт 5 910 гоймаг фæзиан.


Print Email
FaceBook Twitter

Ацы фарсыл рапарахатгонд æрмæджытæ ирон æвзагмæ тæлмацгонд æрцыдысты Стыр Британийы æмæ Цæгат Ирландийы баиугонд паддзахады фæсарæйнаг хъуыддæгты минис¬трады финансон æххуысæй. Уыдоны мидис æнæхъæнæй авторы бæрндзинад у æмæ ницæй тыххæй нæй гæнæн æркаст цæуой куыд Стыр Британийы æмæ Цæгат Ирландийы баиугонд паддзахады фæсарæйнаг хъуыддæгты министрады æмæ, иумæйагæй, баиугонд паддзахады хицауады, позицийы равдыстдзинад.
Materials published on this web-site are translated into Ossetian language with financial support of Foreign Commonwealth Office of the United Kingdom of Great Britain and Northern Ireland. Their content is the sole responsibility of the author and can under no circumstances be regarded as reflecting the position of the Foreign Commonwealth Office of the United Kingdom of Great Britain and Northern Ireland or more generally that of the United Kingdom Government.