Рауагъдад Индигойы æмæ Ломадзе Нинойы «Фæткъуыйы дыргъдæттæ» «Сабайы» уæлахиздзау сси. Уæды онг та, октябры мæйы, «Фæткъуыйы дыргъдæттæ» фæуæлахиз литературон преми «Литерайы» номинацийы куыд æппæты хуыздæр документалон проза.

Чиныг хæсты бавзарæг адæймæгты дзыхæйдзургæ историты иу кæны.

Автор августы хæстæй рацæугæ 10 азы сæрмæ 60-йæ фылдæр адæймаджы хабар ныффыста. Проектыл куыст Индигойы æмæ хъизæмардзинады æмæ амæттæгты психикон-социалон медицинон реабилитацийы центры (CRT) æххуысæй æххæст æрцыд.
Проекты авторты информацимæ гæсгæ, чиныджы лæвæрд алы текст дæр дзыхæйдзургæ истори у, æрмæст иуæй-иу рæтты нæмттæ ивд сты, уый дæр уыцы адæймæгты нæмттæ, кæцытæ сæхæдæг æрдомдтой сæ фæивын. GCRT-йы проекты координатор Табагъуа Сопо «Нетгазетæн» радзырдта, цæмæй Шида Картлийы уæвæг центры æххуысæй, ныр цалдæр азы дæргъы психологон æххуыс кæнынц хæст бавзарæг адæймæгтæн.

«Ацы чиныг мах æмæ Индигойы иумæйаг проект у. Чиныгыл кусгæйæ мах фембæлдыстæм адæймæгтыл, кæцытæ сæхæдæг ацы хæсты хайадисджытæ сты. Цæуынц азтæ, фæлтæртæ ивынц æмæ ацы историтæ дæр махмæ, психологтæм баззайы. Фæндыд нæ, цæмæй сæ ноджы уæрæхдæр аудиторийæн базонгæ кодтаиккам».

Индигойы редакторы, Ломадзе Нинойы ныхасмæ гæсгæ, чиныг кæсæгæн йæ размæ хæссы, августы хæсты хицæнхуыз перспективæйы – адæймаджы биографитæй фена. Ломадзе Нино æмбарын кæны, цæмæй цалынмæ чиныгыл кусын райдыдтаиккой, уæдмæ уал сахуыр кодтой, куыд æвдыст цыд Гуырдзыстоны фæстаг хæст дзыллон информацийы (медиайы). Уый куыд зæгъы, уымæ гæсгæ, хæсты периоды дæр æмæ уый фæстæ дæр, Медиа хæсты æвдисы æрмæст афтид факттæй, кæцы фылдæр нысан кæны политикон процессты кæрæдзийы фæд-фæдыл адæттын.

Дзыхæйдзургæ историты презентаци ивгъуыд азы, 2018 азы 10-æм августы, Эргнеты уагъд æрцыд, цыран Qartli.ge дæр уыдис.