Тбилисы сакребулойы фылдæртæй рацухгонд Къухианидзе Ерекъле Къаспы муниципалитеты Сакъоринтлойы хъæуæй оккупацион хаххыл иннæ фарсмæ ахизын бафæлвæрдта, фæлæ æнæхъуаджы.

Къухианидзе Ерекъле у Амилахварты галуаны хицау, кæцы ис Квемо (дæллаг) Чъалайы. Сакъоринтло дæр раст Квемо (дæллаг) Чъалайы теммæ хауы.

Журналисттимæ ныхасгæнгæйæ уый загъта, цæмæй хъæды фæдзæгъæл æмæ фæстæмæ уый тыххæй раздæхти. Къухианидзейы ныхасмæ гæсгæ, оккупиронгонд территорийыл ахизын абон дæр бафæлвæрдта, фæлæ йын ацы хатт, та уый фадат барадхъахъхъæнджытæ æмæ æдасдзинады куыстуаты минæвæрттæ нæ раттой.

«Кæмдæр хъæды фæрахау-бахау кодтон æмæ цыдæр сындзтелгæрæнты ныххаудтæн. Абон ацы хабар ахæлиу æмæ ныртæккæ мæн нæ фæнды æмæ ацы хабар исты цирчы æнгæс суа. Хъуамæ ахызтаин уыцырдæм æмæ ахæм ныхæстæ зæгъынмæ хъавыдтæн, цæмæй Гаприндашвили Важайы ссæрибар кодтаиккой», - загъта сакребулойы уæнг.

Къухианидзе Анатоли Бибиловы адресырдæм уырыссагау загъта, цæмæй дохтыр уыдон «закъæтты» фехæлдта, «фæлæ, дам, хъуамæ ссарæм иумæйаг æвзаг æмæ ссæрибар кæнæм ацы адæймаг».

Абон зындгонд сси, цæмæй Тбилисы сакребулойы алфæмблайы хъахъхъæнынады къамисы сæрдар Къухианидзе Ерекълейæн йæ куыст ныууадзын кодтой.

Знон сакребулойы фылдæрты хайы уæнг Къухианидзе Ерекълейы кабинетмæ опозицийы минæвæрттæ æмæ æмбæстагон активисттæ балæбурдтой æмæ халагъуд æрывæрдтой уым. Акцийы хайадисджытæ Къухианидзейæ йæ куыст ныууадзын æрдомдтой. Уыдон ын йæ кабинеты баныхæстой стикертæ, ахæм фыстимæ «баив» æмæ «Важа дохтыр хъайтар у». полицæ акцийы хайадисджытæй цыппары æрцахста.

16-æм декабры Къухианидзе Ерекъле Гаприндашвили Важайы æмæ бинонты ‘рдæм зæгъгæ ныхæсты тыххæй хатыр ракуырдта. Уæдмæ уый æрдыгæй фесбукыл рапарахатгонд посты тыххæй загъта, зæгъгæ, уый уыд эмоцион уавæры аххос.