Гуырдзыстоны финансты министрады фæдагурæн куыстуаты æмкусджытæ, Шида Картлийы, конфликты зонæйы хъæуты: Гугутъианткъарийы, Зардианткъарийы æмæ Къошкъайы цæрæг социалонæй æнæхъахъхъæд æмæ бирæсывæллонджын бинонтæн, Цыппурс æмæ Ногазæн раарфæ кодтой æмæ сын радтой ногазон лæвæрттæ, хæдзарон мигæнæнтæ, æмæ фыццаджы бахъæугæ дзаумæттæ.

Уагдоны æмкусджыты номæй, фæдагурæн куыстуаты хистæр – Рамишвили Сосо йæ коллегæтимæ иумæ бирæсывæллонджын бинонтæн Цыппурс æмæ Ногазы бæрæгбонæн раарфæ кодта æмæ сын ногазон лæвæрттæ дæр радта.

Фæдагурæн уагдоны æмкусджытимæ иумæ, социалонæй æнæхъахъхъæд æмæ бирæ сывæллонджын бинонтæн, Ногазы бæрæгбонтæ раарфæ кодтой Шида Картлийы регионы губернатор Хорджеванишвили Гиорги æмæ паддзахадон губернаторы администрацийы минæвæрттæ дæр.

«Фæдагурæн куыстуаты æмкусджыты хæрзгæнæг, социалон акцитæ бæрæг рæстæгæй рæстæгмæ (регуляронæй) уагъд цæуынц. Паддзахадон уагдоны æмкусджытæ алыхатт дæр сæ хъусдард здахынц тыхст æмæ социалонæй æнæхъахъхъæд бинонты ‘рдæм, цæмæй сын фæрогдæр кæной сæ цардуагон уавæрты æмæ сын скæной ногбоны зæрдæйы ахаст се ‘мбæстонтæн», - зæгъынц фæдагурæн куыстуаты.