Хъæууон хæдзарады проектты разамонæг агентады программæйы «фидæны скæн» менеджер Долидзе Леван æмæ Шида Картлийы губернаторы хæстæ æххæстгæнæг Окромелидзе Сосо Зерты хъæуы Тъиелидзе Лейлайы дыргъдоны арæзты процессы бабæрæг кодтой.

Ай фæдыл Шида Картлийы информацион центрæн хъæууон хæдзарады министрады пресс-службæйæ фехъусын кодтой.

Тъиелидзе Лейла программæйы 2015 азæй хайад исы, уый 7 гектарæй фылдæр фæкъуыйы дыргъдоны скæнынæн æмæ донхорыг систæмæйы саразынæн 70, 000. 00 ларийæ æрцыд финансгонд паддзахады ‘рдыгæй.

Райсгæ финансгондæй 65,115.00 лари бæласы талатæн у, æмæ 4,885.00 лари та, æртæхтæгæнæн системæтæн у æмбæлгæ.

Æдæппæт Шида Картлийы регионы 430 гектары хуымзæххыл ног дыргъ бæлæсты дыргъдæттæ арæзт æрцыд. 84 бенефициары хъæууон хæдзарады проектты разамонæг агентады программæйы «фидæны скæн» фæлгæтты финансгонд æрцыд, 2,881,000.00 ларийы.

Министрады пресс-службæйы бæрæггæнæнтæм гæсгæйæ, Гуры, Карелы, Къаспы æмæ Хашуры регионты 430 гек. хуымзæххыл азы фæудмæ фæткъуы, чылауи, атъами, бал æмæ нуши сагъд æрцæудзæн.

Ардыгæй, 16 бенефициары ныридæгæн дихгæнæг хаххмæ ‘ввахс хъæуты 74 гек. хуымзæххыл дыргъ бæлæсты дыргъдæттæ скодтой.

Ног дыргъбæлæсты дыргъдæтты скæныны æмæ донхорыг системæйы саразынæн æнæхъæн Гуырдзыстоны масштабæй, ныссадзинаг зæххы фадыг у абоны бæрæггæнæнтæм гæсгæ 1292 гектары, фæлæ финансгæнæны гуырахст та 6, 4 милуанæй фылдæр у.

Хъæууон хæдзарады министрады инициативæйæ, хъæууон хæдзарады проектты разамонæг агентады программæйы «фидæны скæн» æххæст цæуы 2015 азæй. Йæ нысан у Гуырдзыстоны алы муниципалитеты дæр (Тбилисы, Рустауы, Батумы, Кутаисы æмæ Поты йеддæмæ) хъæууон – хæдзарадон зæххыты нысанмæ гæсгæйæ спайда кæнынæн максималон æгъдауæй баххуыс кæнын, бирæазон дыргъдæтты скæнын æмæ садзæн талаты хæдзарады саразын.

Проекты «фидæны скæн» сæххæст кæнынæн 2016 азы дæргъы 5 милуан ларийы бахардз уыдзæн. Программæйы фæлгæтты спълангонд ис 1 000 – 1 200 гектарыл нырыккон типы дыргъдоны æмæ 30-40 ног, нырыккон садзæн талайы хæдзарады саразын, кæцы къух ратдзæн, иуæрдыгæй, бынæттон базарыл импорты фæивын, æмæ, иннæрдыгæй та, экспортон потенциалы рæзыны процессæн.

Хъæууон хæдзарады проектты разамонæг агентад 2013 азæй æххæст кæны масштабон проекттæ, кæцытæ нымад сты дæргъвæтин рæзынадыл æмæ йæ нысан у ахæм уавæры скæнын, кæцы къух ратдзæн хъæууон хæдзарады конкурентон хъомады сбæрзонд кæнынæн, бæрзондгъæдджын продукцийы уадзыны стабилон рæзынадæн, хæлцады æдасдзинады сифтонг кæнынæн.