Къаспы муниципалитеты Сакъоринтелы хъæуæй иу къуырийы размæ 88 аздзыд зæронд лæг æрбатары ис.

Фæстæдæр куыд рабæрæг, афтæмæй зæронд Ахалгоры рынчындоны бынæттон дохтырты хъусдариуæджы бын уæвыд.
Зæронды бынаты уæвынад, хæстæджыты æххуысæй, Сакъоринтелы цæрæг Саламашвили Циала базыдта.

Ахалгоры рынчындоны йын схос кæныны фæстæ зæронды хъæумæ йæ хъæбултæм æмæ хъæбулы хъæбултæм фæстæмæ æрбакодтой.

«Ныртæккæ, йæхи хорз хаты. Фистæгæй йæ фæндыд йæхи хъæумæ ссæуын, фæндагыл æй къæвда æрæййæфта, ныххуылыдз æмæ фæрынчын ис. Ахалгоры районы территорийыл æй милицийы кусджытæ федтой æмæ йæ рынчындонмæ бакодтой. Йæ бинонты уæнгты ныртæккæ нæ фæнды зæгъын зæронды чи фервæзын кодта уыдоны нæмттæ, фæлæ уын æй æз радзурдзынæн», - зæгъы Саламашвили Циала Шида Картлийы информацион центры журналисттимæ ныхасгæнгæйæ.

Цалынмæ бинонтæ æмæ хъæу зæронды бынатыуæвынад базыдтой, уæдмæ уал гуырдзиаг полицæйæн фехъусын кодтой.

Æгъдау куыд амоны, уымæ гæсгæ, сæфт адæймаджы агурын йæ фесæфтæй æртæбоны фæстæ расидынц.
Саламашвили Циала зæгъы, цæмæй гæнæн ис æмæ Ахалгоры зæрондæн йæ бон нæ баци уый бамбарын кæнын, æмæ кæцон уыд æмæ кæдæм цыдис.

«Бузныг Хуыцауæн, æмæ йыл фæндагæл кæй ницы ‘рцыд æмæ фервæзт. Ацы лæг Карчахы хъæуы райгуырдис, йæ хъæуы æрымысыд æмæ уырдæм фæцæйцыд», - загъта Саламашвили Циала.

Ахалгоры район Цхинвалы дэ-факто хицауады контролгонд территори у. Ирон милици зæронд лæджы афтæ æрбакодта Сакъоринтелмæ, æмæ а. х. арæнæй ахызты аххосагæй йыл не стæрхон кодтой.