Æвзонг лæг æмæ ус, Ванишвили Малхаз æмæ Адикъашвили Татиа Цхинвалы, карантины бакодтой. Ай фæдыл бинонтæн æнæофициалонæй фехъусын кодтой.

Æрцахст чызджы хо, Адикъашвили Тамта зæгъы, цæмæй комкоммæ контакт бинонтимæ никæмæн уыдис, фæлæ информаци æндæр æмæ æндæр рæттæй райстой.

«Кæд уыдон æцæг ацы аххосагæй акодтой медицинон уагдонмæ карантины, уæд мах бинонтæ фидарæй домæм, цæмæй сæ рауадзой æмæ ам нæхи клиникæйы ацæуой крантины. Куы сæ ‘рцахстой, уæд сæ иуæн дæр нæ уыдис коронавирусы симптомтæ», - зæгъы Адикъашвили Тамта.

Ванишвили Малхаз æмæ Адикъашвили Татиа 5 мæйы размæ 2019 азы декабры мæйы бацардысты. Малхаз Ванишвили Датайы хъæбулы хъæбул у, кæцыйы хæдзар оккупацигонд территоримæ бахауд. Адикъашвили Татиа та, - Хурвалеты хъæуы цардис.

Æвзонг лæг æмæ усы уыцы рæстæджы æрцахстой, раст йæ дадамæ уазæгуаты куы æрбацыдысты хъæбулы хъæбул æмæ чындз. Æхсæвы нырма Малхазы акодтой, райсомæй та, - Татиайы. Информаци æппæты фыццаг Америкæйы хъæлæс ахæлиу кодта.
Америкæйы хъæлæсы журналистимæ ныхас кодта Ванишвили Дата. Малхаз æмæ Татиа кæрæдзиимæ базонгæ сты Хурвалеты хъæуы. Махо (йæ дада йæ афтæ хоны) арæх цыдис йæ дадамæ уазæгуаты. Уый цæры Цæгат Ирыстоны.

Хурвалеты хъæу дихгæнæг хаххмæ хæрзæввахс у. 2008 азы августы хæсты фæстæ, хъæумæ ‘ввахс уырыссаг æфсæддонтæ сындзтелгæрæнтæ ауагътой. Ацы хъæуы цалдæр сыхы ис, уыдон æхсæн, Стыр Хурвалет, Ног Хурвалет (уыцы Бобнеу). Ванишвили Датайы хæдзар раст Ног Хурвалеты ис. Сындзтелгæрæнты саразыны фæстæ, уымæн йæ хæдзар оккупацигонд территорийыл баззад.