Цхинвалы абон автокатастрофон цауы фæстиуæгæн фæмардуæвæг генералон прокурор Цгъойты Мерабы баныгæдтой.

Цотниашвили Гиви, кæцы ныртæккæ кусы Гуырдзыстоны лигъдонты æмæ æрцæрæнуæтты министрады специалистæй, радзырдта нын, цæмæй 1985-86 азты раздæры Хуссар Ирыстоны автономон облæсты Цгъойты Мерабиимæ иумæ кæй куыста.

«Йæ прокуророн карьерæ 1985 азы райдыдта. Нырма облæсты прокурор уыдис. Стæй йæ горæты прокуратурæмæ ракодтой. Фæстæдæр æй уæлдæр гæсады бынатмæ сæвзæрстой. 80-йæм азты йæм Тбилисæй йæ хæлæрттæ арæх цыдысты. Позитивон адæймаг уыдис, хорз ахастытæ йын уыдис йе ‘мкусджытимæ», - мысы Цотниашвили, кæцы нырма Цхинвалы райкомы фыццаг секретарæй куыста, уый фæстæ та - хицауады сæрдары фыццаг хæдивæгæй.

«Райгуырди Ахалгоры. Йе ‘фсымæры дæр ын зонын, Важайы, цалдæр азы размæ мыл фембæлд, ныртæккæ Владикавказы цæры. Йæ бинойнаг Хуссар Ирыстоны автономон облæсты юстицийы хайады хистæры чызг у, йæ мыггаг Гаглойтæй».

Цотниашвили Гиви хъынцъым кæны, цæмæй 1992 азы фæстæ Цгъойты Мерабиимæ æмахастыты адарддæр кæнын йæ бон нал сси.

Цгъойты Мерабы хорз хъуыды кæны Мешвилдишвили Марина дæр, кæцы раздæры Хуссар Ирыстоны автономон облæсты культурæйы хайады куыста, – «Æнгом æмахаст ын уыдис гуырдзиаг интеллигенциимæ. Гуырдзиагау хорз зыдта. Æмбырдтыл иу арæх æмбæлдыстæм».

Цгъойты Мераб 1998-2001 азты Хуссар Ирыстоны дэ-факто хицауадæн къухдариуæг кодта. 2011 азы уыд президенты бынатмæ кандидат, фæлæ йæ кандидатурæ æвзæрстыты агъоммæ чысыл раздæр систа. Дэ-факто генералон прокуатурæйы уый 2012 азы йæхимæ райста.

Цгъойты Мераб 9-æм январы автокатастрофон цауы фæстиуæгæн фæмард Цхинвалы. Уый дэ-факто хицауады сæргълæууæджы хæдивæг, Джиоты Аллæйы хъæбулы чындзæхсæвæй фæстæмæ здæхтис.