Æнæхицауадон организаци «Фидæны инициативæ» Арбойы хъæуы Кокошвилиты бинонтæн хойраджы продукттæ, фыццаг æххуысы пайдагæнæн товарты æмæ гигиенæйы фæрæзты ратта.

Кокошвилитæн сæ хæдзар 8-æм ноябры æхсæвы басыгъдис, бынтондæр басыгъд хæдзары фарсыл арæзт скъæт æмæ къæбиц дæр.

«Æмбисæхсæв нæ шиферы къæрццыты уынæр райхъал кодта, æрмæст ма уый сарæхстыстæм, æмæ æддæмæ рагæппытæ кодтам æмæ шокирон уавæры кастыстæм, куыд сыгъдис хæдзар, нæ амондæн, сыхæгтæ æрбамбырд сты æмæ нын баххуыс кодтой, дыууæ сынтæг æмæ цалдæр æрдæгсыгъд хуыссæны рахастой хæдзарæй. Цалынмæ зынгхусынгæнæг машинæ æрбацыдис, уæдмæ алчи дæр архайдта арты ахуыссын кæнын, чи ведрæтæй калдта дон зынгыл, чи хоспыргæнæн аппаратæй, цыдæриддæр нæм продуктæй уыд, иууылдæр басыгъдысты, баззадыстæм бынтон афтидæй», - зæгъы хæдзары æфсин Къелапртишвили Мзия.

Гуры муниципалитеты гамгеоба сын хæдзары сæры бамбæрзыны ныфс бавæрдта.
Организаци «Фидæны инициативы» минæвары Цикубадзе Бадрийы ныхасмæ гæсгæ, хæдзары иу уат аирвæзтис, фæлæ уый дæр цæрынæн нæ бæззы.

«Хæдзары æвæстиатæй хъæуы бацалцæг кæнын, æмæ бинонты уæнгтæн та дзаумæттæ, продукттæ, хуыссæнтæ хъæуы». – зæгъы Цикубадзе Бадри.