70 азы кары онг никозаг Махатадзе Давиты абон министры фембæлдмæ æрбахуыдтой.

Уый фидауыны æмæ æмбæстагон æмбарады фарстæты паддзахадон министрмæ зæрдæбынæй хъуыста.

Махатадзе Давитæн зындгонд сси, цæмæй 28-æм мартъийæ Гуырдзыстоны æмбæстæгтæн Евроцæдисы уæнг бæстæтæм æнæвизæ цыдæй бар кæй уыдзæн.

Фæлæ, 28-м мартъийы фæстæ, Махатадзе, Гуырдзыстонæй нæ фæлæ, Никозæй дæр никæдæм хъавы ацæуынмæ.

«Уалдзæг æрцыди, дыгъбæлæстæм зилын хъæуы, хъуамæ сæ бахсæдон, стæй сæ хосæй бапырх кæнон», - зæгъы нын Махатадзе Давит, фæлæ йæ, уый дæр уырны, цæмæй йæ дыгъты Европæйы базармæ кæй нæ ахæсдзæн.

«Æз нæ дæр Евроцæдисмæ цæуæг дæн æмæ нæдæр ничердæм. Æз курын уыдонæй, цæмæй æнæгъæдджын пестицидтæ мауал уадзой. Кæлмхæрд фæткъуы кæй цæмæн хъæуы?» - зæгъы уазджытæн фысым.

Ивгъуыд азы, дыргъ бæлæсты цалдæр хатты хосæй бапырх кодта, фæлæ, уæддæр æнæгъæд тыллæг райста.

«Ам уыцы адæмыл нæ цæуы дзырд, чи ницы аразы. Уыцы адæмæн хъæуы баххуыс кæнын, кæцы зилы йæ дыгъдонмæ. Иу хатт сæ бапырх кодтон, дыккаг хатт сæ бапырх кодтон, æртыккаг хатт дæр сæ бапырх кодтон, фæлæ уæддæр кæлмхæрд уыдысты», - загъта нын уый.

Махатадзе Давит йæ зæрдæйырыст министрæн дæр загъта. Делегацийы уæнгтæ бынæттон цæрджытæн бамбарын кодтой, цæмæй Евроцæдисимæ ассоцирады бадзырд, растдæр, уыцы пунктты хъахъхъæнын дæр домы, цæуыл бынæттон адæм зæрдæрыстæй дзурынц.

Ай, растдæр, хæлцады национ агентады функцимæ хауы, кæцы, ассоцирады бадзырдмæ гæсгæйæ, бынæттон базарыл, куыд марг-химикатты, афтæ-ма, продукцийы гъæды дæр сгары.

«Символикон у, цæмæй абон ам, сындзджынтелтæй цалдæр метры дæрдзæфмæ ныхас кæнæм æнæвизæйæ рацу-бацу кæныныл. Цæрджытæн хъусын кæнæм информаци Евроцæдисы бæстæтæм æнæвизæ цыды пайдайыл, кæцы хæрз тагъд архайын райдайдзæн Гуырдзыстоны æмбæстонтæн. Символикон у, уый тыххæй æмæ ацы хъæуты адæймæгтæн æмæ адæймæгтæн сындзджынтелты фале оккупацигонд территоритыл нæй уыцы фæрæздзинад, цæмæй æдæппæтæй цалдæр метры сæрибарæй цæуой, бацæуой уазæгуаты æввахс хиуæттæм, хæстæджытæм, бакусой сæхи зæххытыл», - загъта Цихелашвили Кетеван

Уый ныхасмæ гæсгæйæ, ацы гæнæндзинады дихгæнæг хаххы дыууæ фарсæрдыгæй цæрджытæн сæ бон у æмæ спайда кæной.

«Ацы рæстæджы мах Евроцæдисæй исæм æнæвизæйæ цыды гæнæндзинад мингай ки¬ло-метрмæ, Евроцæдисы бæстæтæм рацу-бацу кæныны фæрæздзинад æнæ къуылым-пыдзинадæй. Ай у реалон хицæндзинад оккупацийы хуызы æмæ сæрибар, рæзгæ бæстæйы ‘хсæн, кæцыйы мах аразæм æмæ кæцы мах хъæуы, афтæ дзурæм сындзджынтелтæй изоляцийы уæвæг адæймæгтæн дæр. Ай у уыцы пайдадзинад, кæцыйæ алы æмбæстаг дæр спайда кæндзæни – мах стæм цæттæ, сындзджынтелты иннæ фарсы, Абхазийы æмæ Цхинвалы регионты цæрæг адæмæн дæр æнцонвадат скæнæм Гуырдзыстоны æмбæстаджы паспорт райсын æмæ алы уыцы хорздзинады, кæцы ис сæрибарæй рацу-бацу кæнынæн», - загъта Цихелашвили Кетеван.