Йончайы хъæу чысыл къуылдымыл ис.

Йæ дæлейæ цы зæххы сæрмагонд фадгуытæ ис уыдон иуылдæр куыстгонд сты.

Фæндагыл Гуырдзыстоны полицæйы машинæ дыууæрдæм рацу-бацу кæны.

Йæ алыварс ахæм сабыр уыди, æрмæст, дихгæнæг хаххмæ ‘ввахс уæвæг цæхæрадæтты кусæг минитракторты уынæр хъуыстис.

Хъæдындзы æмæ ногссæугæ хъæдуры Карелы районы Тамарашены хъæуы цæрæг сылгоймæгтæ къахтой. Фенын нын кодтой, цæмæй куыстгонд цæхæрадæттæ цыран фæуд кæнынц, æвæццæгæн дам, уым ауаддзысты сындзджын телты.

Фæлæ, йæ фидарæй нæ зонынц, кæцы картæйæ къухдариуæг кæндзæни дэ-факто хицауад, уымæн æмæ сыхаг хъæу Гъогъетимæ банертæ æмæ телты, растдæр, куыстгонд зæххытыл сарæзтой 2013 азы.



Йончайы хъæу - (Арæнгæран)



Карелы муниципалитеты административон арæнмæ ‘ввахс Йончаимæ арæн кæны Тамарашены хъæу.

Дэ-факто Хуссар Ирыстоны республикæйы администраци уымæн йæ ном фæивта æмæ йæ схуыдта Арæнгæрон.

Эргнеты ауагъд бадзырдты рæстæджы загътой, цæмæй арæнгæронмæ ‘ввахс иу мæймæ сараздзысты сындзджын телтæ.

Санахъоты Давит аргументæн фосы сæфыны фактты æрхаста. Афтæ ма ноджы, загъта, цæмæй гом хахх дыууæ фарсырдыгæй æмбæстæгтæн дыууæрдæм цæуынæн къух дæтты.

Тамарашены хъæуы зæгъынц, цæмæй Йончайæ æмæ Йончамæ ахизгæ фос æрмæстдæр иу хатт, ивгъуыд азы фесæфтысты.

«Мах фыййæуттæ нæхи хъахъхъæнæм. Æмæ стæй уый ахæм территори у, иуыл хæстæг адæм сты. Фосы нæдæр мах хизæм уым, æмæ нæдæр уыдон æрбаскъæрынц сæ фос уырдæм хизынмæ», - загъта, фыййау Хуцишвили.

Бешкъенашвили Васил та, зæгъы, цæмæй нырыккон Арæнгæроны цур уымæн зæххы фадыг уыд иджарайæ ист.




«Тыдтон дзы хъæбæрхор æмæ мæнæу, фæлæ хæсты фæстæ, æххæстæй куыстгонд нал цæуы. Æввахсмæ бацæуынæй уæддæр нæхи хизæм», загъта нын Бешкъенашвили Васил.

Санахъойы курдиатæн провокацион архайды аргъ дæтты Гуырдзыстоны хицауады министр фидыды æмæ æмбæстагон æмбарады фарстæты Цихелашвили Кетеван.

Уый ныхасмæ гæсгæ, ахæм аразгæ барерты саразын дихгæнæг хаххы иннæ фарс цæрджыты изоляцийы уæвын кæны.

«Йончайы хъæу ис уартæ уым»