Поладашвили Георги 12 аздзыд у. Уый иунæг скъоладзау лæппу у, кæцы Квемо Чъалайы хъæуы астæуккаг скъолæйы ахуыр кæны Пантианы хъæуæй.

Ацы скъолæмæ ма, Пантианæй ноджы иу чызг цæуы. Хъæу дихгæнæг хаххмæ ‘ввахс ис Къаспы районы.

Георгийы æмкар Кердихъошвили Къаха, ныртæккæ, Рустауы цæры. Йæ райгуырæн хъæумæ, æрмæст, æнцой боны æмæ улæфтыты рæстæджы фæцæуы.

Æмгæрттæ хъæугæрон чысыл хъæдын хæдзар саразын аскъуыддзаг кодтой. Фыййæуттæ æмæ дам фæндагыл цæуджытæн балæууæндон уыдзæнис, зæгъгæ. «Сæрды æнтæф боны тæвдæй сæхи бахъахъхъæндзысты æмæ æвзæр боны рæстæджы та къæвдайæ», - загътой нын уыдон.

Фыццаг хатт сын нæ рауади æмæ зæгъæн ис, цæттæ хæдзары фæстæмæ сыхæлдтой. Хæлд бæлæсты къалиутæй чысыл балæууæндон сарæзтой æмæ йыл уæрдæх сыфтæртæ дæр бамбæрзтой.

«Спортфæзуат нын ис, фæлæ къахпуртийæ хъазынмæ Самтависы хъæумæ фæцæуæм, къахпуртийы скъолæмæ. Уым хъазæм къахпуртийæ», - зæгъы Георги.




Хъæумæ улæфынмæ ныццæугæ Къахайы, зæрæдтæн æххуыс кæнын бахъæуы:

«Хъæуы фылдæр, ацæргæ адæм сты, æз сын феххуыс кæнын хосы тымбыл кæнынæн, цæхæрæдæтты куысты. Иуæй-иу хатт мах дæр æркæрдæм хос», - загъта нын Къаха.

Сæ фæсте ис Схвилойы гæнах, кæцы æлдар Амилахварты резиденци уыди Квемо Чъаламæ ахызты агъоммæ. Схвилойы гæнахы фале территорийы Уæрæсейы æфсæддонтæ контроль кæнынц.

«Нæ хъæумæ знаг куы æрбабырста, уæд адæм сæхи Схвилойы æрфидар кодтой. Æрхъулайы бæхудтой. Знаг æнхъæл уыд, æмæ æнæдонæй ныццагъды уыдзысты, зæгъгæ, фæлæ сæм уырдыгæй адæм кæсæгтæ ракалдтой æмæ сыл худтысты. Уæд æрбацæуджытæ бирæ нал афæстиат кодтой уым æмæ фæстæмæ раздæхтысты», - Гуырдзыстоны историйы ацы зындгонд факты нын деталонæй радзырдта Георги.

Сабитæ тыхсынц хъæумæ æвзæр фæндæгтæ кæй ис, стæй ма сæ ноджы фæнды, цæмæй уынгты рухс уа.