А. х. Хуссар Ирыстоны дэ-факто президент Тыбылты Леонид Женевæйы бадзырдты адарддæр кæныны æмварс у.

Ацы курдиат уый тыхон структурæйы министртимæ фембæлды рæстæджы сарæзта.

Фембæлдыл дэ-факто министртимæ иумæ а. х. Хуссар Ирыстоны минæвар Джиоты Мурæт дæр хайад иста Женевæйы цыппар фарсон фембæлдтыл.

Дэ-факто президент Джиоты Мурæтæн уæлдай сæрмагонд бузныг загъта æмæ фæнысан кодта, цæмæй дипломатты сгуыхтдзинад у уый, æмæ Тбилисы ахæстæттæй ахæстыты кæй ссæрибар кодтой.

Фембæлды биноныгдзинæдты фæдыл ирон агентад «Осинформ» фыссы.

Тыбылты Леонид дэ-факто æнæниздзинад хъахъхъæныны министрæн бахæс кодта, цæмæй раздæры ахæстыты æнæниздзинадмæ сæ хъус æрдарой æмæ сын хъæугæйы цауы реабилитацийы курс уагъд æрцæуа.

«Махæн ахсджиаг фарст у уыцы æмбæстæгты хъысмæт дæр, кæцытæ æбæрæг сæфт фæкодтой. Мах адарддæр кæндзыстæм уыцы адæймæгты тыххæй информацийы ссарын, кæцытæ мах информацимæ гæсгæ Гуырдзыстоны территорийыл уæвынц». – Загъта Тыбылты Леонид.

Джиоты Мурæт фæнысан кодта, цæмæй 22-23-æм мартъийы Женевæйы бадзырдты радон раундыл а. х. Хуссар Ирыстоны ахаст ацы фарсты фæдыл ноджы иу хатт кæй зæгъдзæнис.

Мурæт ма фæнысан кодта уый дæр, цæмæй Женевæйы æнæмæнгæй æрывæрдзæни культурон бындуры цыртдзæвæнты фарсты дæр, кæцытæ Гуырдзыстоны контролгонд территорийыл сты.

Тыхон структурæты минæвæрттæ ивгъуыд къуырийы криминалон уавæрмæ æркастысты.

Хъусдард йæхимæ аздæхта иу ахæсты фæзианы факт, кæцы æмбæлон структурæты минæвæртты æнæ хъусдардмæ гæсгæ фæмард. Ацы факты фæдыл фæдæвзарæн куыст уагъд цæуы.

Бæрæггонд цæуы, цæмæй Цинвалы уынгтыл æмæ уырдæм æввахс бынæтты аваритæ сарæх сты. Уый аххосагыл нымад цæуы нозтджынæй кæй скъæрынц машинæты.

Дэ-факто президент а. х. Мидхъуыддæгты министрады минæварæн Лавойты Ахсарæн бахæс кодта, цæмæй июлы мæймæ æгас территорийыл видекамерæты монтажгонд фæуой.