Цхинвалы дэ-факто хицауад Глданы ахæстонæй ссæрибаруæвæг лæппутæн компенсацийы хуызы алкæмæндæр 50 мин сомы ратдзæнис.
Ай фæдыл информацийы ирон æмæ уырыссаг æвзагон информацион фæрæзтæ парахат кæнынц

«Кавказы узелы» бæрæггæнæнмæ гæсгæ, Гуырдзыстоны хицауады ‘рдыгæй ссæрибаргонд цыппар ахæстыл Цхинвалы центры се ‘мбæстæгтæ æмæ хиуæттæ сæмбæлдысты.

Шида Картлийы Информацион центр куыд фыста уымæ гæсгæ, 10-æм мартъийы гуырдзиаг, ирон æмæ абхазаг фæрстæ ахæстыты баивтой.

Ссæрибаруæвæг ахæстыты ‘хсæн Гуры теракты хайадисыны аххосагæй æрцахсгæ Уалыты Георги, Зассеты Георги, Хъошты Йосеб æмæ Турашвили Борис дæр уыдысты.

Сæмбæлды хицæстæй фенгæ журналист фыссы, цæмæй Цхинвалы фæзуатмæ бацæугæ микроавтобусы алфæмблай адæм æрæмбырд сты.

Хиуæттæ æви æнæзонгæтæ алчидæр раздæры ахæстытæн сæ къухтæ истой, æмæ сын æппæты хуыздæр арфæтæ кодтой, бирæтæн дзы сæ цæстысыг згъæлди.

Ссæрибаруæвджытæй сæ иуы мад, бынæттон лицейы минæвар Усович Людмилæ «Кавказы узелы» журналистæн загъта, цæмæй фæстаг боны онг нæ зыдта ахæстыты баивыны фæдыл.

«Мæ хъæбул дыккагæй райгуырдис» - загъта Усович Людмилæ. Уый алы хатт дæр бузныг дзурдзæнис уыдонæн, йæ хъæбулы ссæрибар кæныны хъуыддаджы чидæриддæр хайад райста.

Йемæ ма иумæ уыцы лицейы ахуырдзаутæ дæр уыдысты, цыран Усович Людмилæ кусы ахуыргæнгæй.

Ахуырдзаутæ мысыдысты, сæ ахуыргæнæг æрвыл аз дæр куыд æнхъæлмæ каст йæ хъæбулы ссæрибармæ, кæцы йæ царды æппæты хуыздæр азтæ ахæстоны арвыста.

Ссæрибаруæвæг лæппутæн дэ-факто хицауады президент Тыбылты Леонид раарфæтæ кодта.

Раздæры ахæстытæй сæ иу Турашвили Борис президентæн загъта, цæмæй фæстаг æртæ азы дæргъы Гуырдзыстоны ахæстоны уыдонмæ гуманон ахаст дардтой.
Уый ныхасмæ гæсгæ, уæдæй фæстæмæ, Гуырдзыстоны хицауад куы фæивта, ахæстоны агрессивон ахаст нал уыдис, медицинон æххуыс дæр истой.