20-æм апрелы инцидентты превенцийы форматы Эргнеты фондзсахатон бадзырдтæ фесты, фæлæ гуырдзиаг фарсы ‘рдыгæй æрæвæрд сæйраг домынæдтæ æххæст не ‘рцыдысты.

Паддзахадон æдасдзинады куыстуаты информацион аналитикон департаменты къухдариуæгад Берия Иракли оккупацион хаххы цур æрцахсгæ гоймæгты ссæрибар кæныны паралеллонæй, Ахалгоры районы дыууæ азы размæ гуырысхойаг уавæрты фæмардуæвæг Башарули Давиты фарстмæ дæр æркастысты.

Афтæ ма, гуырдзиаг фарс бадзырдыл иу сæйраг фарст æрæвæрдта Куадзæны бонты уæлмæрдмæ ацæуыны бар раттыны Гуырдзыстоны централон хицауады ‘рдыгæй контролгонд территорийыл цæрæг уыцы æмбæстæгтæн, кæцытæн сæ хæстæджыты уæлмæрдтæ оккупацигонд территорийыл сты.

Фæлæ, Цхинвалы къорды разамонæг, Санахъоты Давиты курдиатмæ гæсгæ, уый тыххæй Цхинвал ницыхуызон ивддзинæдтæ нæ план кæны æмæ уымæ гæсгæ, æрмæст абоны онг архайгæ регуляци уыдзæн йæ тыхы, кæнæ та оккупацигонд территорийыл Куадзæны бæрæгбоныл Ахалгоры æмæ Карзманы посттыл ахизын йæ бон уыдзæн æрмæст уыцы æмбæстæгтæн, кæцытæ абоны онг пайда кодтой а. х. уадзæн гæххæттæй банысангонд районтæм.

А. х. арæныл æнæзакъонон ахызты аххоссагæй æрцахсгæ дыууæ гоймагмæ та цы хауы уый, Санакъоевы ныхасмæ гæсгæ, се ссæрибар кæныны фарст æмбæлон процедурæты бындурыл тæрхондоны фæуды фæстæ сбæрæг уыдзæн.

Иунæг фарст, кæцыйыл инцидентты превенцийы форматы фæрстæ æмкуыст кæнынц, у иригацион системæты скусын кæнын. Донхорыг системæтæй, куыд гуырдзиаг, афтæ ирон хъæуты цæрджытæ пайда кæнынц. Донхорыг системæты инфраструктурæйы иумæйагæй æрбæстон кæныныл Эргнеты фембæлдыл дыууæ мæйы размæ баныхас кодтой.

Инцидентты превенцийы форматы Эргнеты радон 66-æм фембæлд 16-æм майы уагъд æрцæудзæни.