«Хæрзæввахс рæстæджы сæдæгай гектар хъæд суыдзæн оккупантты контролгонд территори Гуырдзыстоны колаборационист хицауады æххуысæй». – Ай фæдыл курдиат змæлд «Тых иудзинады» уæнгтæ парахат кæнынц.

Йæ лидер Кацарава Давит хъусын кæны, цæмæй хæрзæввахс рæстæджыты специалон презентацион фембæлд дæр уагъд кæй æрцæудзæн. Социалон хызыл ай тыххæй иллюстрацион нывтæ дæр рапарахат кодта.

«Мах хъуамæ ауадзæм презентаци, цыран уын уырыссаг оккупантты ‘рдыгæй байст ахæм территорийы равдисдзыстæм, кæцы Советон социалистон республикæты цæдисы рæстæджы дæр никуы уыдис а.х. Хуссар Ирыстоны автономон облæсты сконды. Ацы хатт оккупанттæ Чорчана-Перевы ‘рдæм сæ методæй хорз пайда кæнынц: хъæды ахорæнтæй æрнысæнттæ кодтой уыцы бынæтты, цыран æвæццæгæн, уалдзæджы, ног оккупацион æмбондтæ райсдзыстæм. Æниу, абон дæр, бынæттон цæрджытæн фактивонæй нæй гæнæндзинад бацæуой уырдæм, цыран цалдæр мæйы размæ æнæпроблемæйæ дыууæрдæм змæлыдысты», - зæгъы Кацарава Давит.

Кацарава Давиты ныхасмæ гæсгæ, фото 2020 азы январы мæйы ист у æмæ ууыл ныридæгæн Перевы ‘рдæм, хъæды банысангонд бынæттæ æвдыст цæуы.

«Оккупацион хаххæй мидæмæ æрбахызт 240 метры бæрц у, фæлæ Чорчана-Перевы оккупацион хахх та цалдæр дæсгай километры дæргъмæ у. Ацы нысæнттæ æмæ æндæр бирæ нысæнттæм æркæсын æмæ превенцийы бæсты, хицауад æрмæст мах æруромыныл кусы, фæлæ, мах Атоцæй рарвитын æмæ нæ оккупацион хахыл змæлын нæ уадзынмæ æнæгæсгæ, нæ къорды уæнгтæ уæддæр дарддæр кæнынц 940 боны размæ райдайгæ æмбæстагон патрулир кæнынад æмæ уын æвдисæм нæхи ист фототæ æмæ видео-æрмæг», - зæгъы Кацарава.

Фактты фæдыл, Паддзахадон æдасдзинады куыстуат нырма комментари нæ сарæзта.